Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратады..
Қазақстанның Сыртқы істер министрлігі ресейлік рэпер Navai-дың (Наваи Бакиров) ұсталуына қатысты жағдайға жауап берді. Бұған дейін Ресейдің Алматыдағы бас консулдығы қазақстандық тарапқа оқиғаның мән-жайын ресми түрде түсіндіруді сұрап нота жолдаған болатын, деп хабарлайды Tengri Life.
СІМ не деді?
Ведомство Ресей ФР Бас консулдығынан нота түскенін растап, бұл стандартты процедура екенін түсіндірді.
"СІМ-ге Ресей тарапынан ұсталған Ресей Федерациясының азаматтары және олардың орналасқан жері туралы ақпарат беруді сұраған нота түсті, бұл консулдық жұмыстағы стандартты тәжірибе. СІМ ҚР құқық қорғау органдарына тиісті сауал жолдайды", - деп атап өтті министрліктегілер.
Бұған дейін Ресейдің Алматыдағы бас консулдығы музыкант ұсталғаннан кейін Қазақстанның Сыртқы істер министрлігіне жүгінгені хабарланды. Ресейлік дипломатиялық өкілдік журналистерге нотада болып жатқан жағдайға қатысты ресми түсініктеме беру туралы өтініш бар екенін мәлімдеді.
Navai-дың ұсталуы туралы не белгілі?Наваи Бакиров 13 қазанда Қазақстанға кіре берістегі "Қордай" шекара бекетінде ұсталды. Полиция мәліметінше, орындаушы мінген автокөлікті тексеру кезінде құқық қорғаушылар есірткі затын тауып, тәркілеген. Операцияны полиция және шекара қызметінің қызметкерлері бірлесіп жүргізді.
Музыкантқа қатысты сотқа дейінгі тергеу басталды. Қолда бар ақпаратқа сәйкес, ол есірткі заттарының контрабандасы және есірткіні заңсыз сақтау дерегіне қатысты болуы мүмкін.
Кейін Navai-дың екі айға қамауға алынғаны белгілі болды.
Instagram-дағы бұл жарияланымды көру
ЖАМБЫЛ ОБЛЫСЫНЫҢ ПОЛИЦИЯ ДЕПАРТАМЕНТІ (@zhambyl_police) жариялаған жазба
Жағдай Қырғызстанда да жалғасын тапты. Елдің Шекара қызметі Navai-дың шекарадан өту мән-жайын тексеруді бастады. Жарияланған ақпаратқа сәйкес, әртіс қырғыз-қазақ шекарасындағы "Ақ-Жол" өткізу пункті арқылы өткен.
"Тексеру нәтижесі бойынша заң бұзушылықтар анықталған жағдайда, кінәлі лауазымды тұлғаларға қатысты заңнамада белгіленген тәртіппен тиісті шаралар қолданылады", - деп хабарлады Қырғызстанның Шекара қызметі.
Ұсталу әртістің концерттік кестесіне әсер етті. 14 қазанға Navai-дың Астанада өнер көрсетуі жоспарланған болатын, алайда концерт белгісіз мерзімге ауыстырылды. Ұйымдастырушылар жоспардың өзгеруін техникалық себептермен түсіндірді.
Әртістің концерттік турының тоқтатылуы мен ауыстырылуы туралы хабарламалар жанкүйерлер арасында наразылық тудырды.
Әртіс несімен танымал?Navai - HammAli & Navai дуэті арқылы танымал болған әзербайжан текті ресейлік рэпер және әнші. Оның танымал жеке әндерінің қатарында "Пустите меня на танцпол", "Прятки" және "Девочка-война" бар.
Музыкант сонымен қатар қазақстандық орындаушылармен, соның ішінде Jah Khalib-пен бірлесе жұмыс істеген.
Бізді Google-дың негізгі дереккөздер тізіміне қосыңыз
Қосу