Tengrinews.KZ парақшасындағы деректерге сәйкес, Qazaq24.com ақпарат таратты..
Ұлыбританияда муниципалды сайлау өтіп, оның қорытындысы бойынша қазақстандық Санжар Әбішев Лондонның орталық аудандарының бірі Вестминстер кеңесінің депутаты болды. Ол St James’s округінен Консервативті партия атынан сайланды, - деп хабарлайды Tengri Life.
Ұлыбританияда муниципалды сайлау өтіп, оның қорытындысы бойынша қазақстандық Санжар Әбішев Лондонның орталық аудандарының бірі Вестминстер кеңесінің депутаты болды. Ол St James’s округінен Консервативті партия атынан сайланды, - деп хабарлайды Tengri Life.
Сайлау қалай өтті?Westminster City Council жариялаған нәтижелерге сәйкес, Санжар Әбішевке 974 адам дауыс берген. Ол консерваторлар атынан түскен Тим Митчелл және Марк Ангус Ширермен бірге округтегі жеңімпаздар үштігіне енді. Округтегі сайлаушылардың келуі 33,8 пайыз болған: тіркелген 6821 сайлаушының 2303-і дауыс берген.
Әбішев St James’s округінде Консервативті партияның кандидаты болды. Сайлау қорытындысы бойынша оның партиясы Вестминстер кеңесінде көпшілік дауысқа ие болды - 54 орынның 32-сін иеленді. Лейбористерде 22 мандат бар.
Скриншот: westminster.gov.uk
Сайлау алдындағы науқан кезінде Әбішев пен оның командасы қауіпсіздік мәселелеріне, көше тазалығына және қалалық қызметтердің жұмысына басымдық берген. Округ тұрғындарына жолдаған үндеуінде кандидаттар адамдардың қауіпсіздік деңгейінің төмендеуі мен қалалық ортаның нашарлауына жиі шағымданатынын жазған.
"Тұрғындардың көбі өздерін бұрынғыдан аз қауіпсіз сезінеді. Көшелерде полицияның қатысуы жеткіліксіз, ал аудандар барған сайын қараусыз қалып барады", - делінген St James’s консерваторларының науқанында.
Команданың басты уәделерінің қатарында қоғамдық тәртіпті бақылауды күшейту, антисоциалды мінез-құлықпен күресу, көшелерді сапалы күтіп ұстау және "салық төлеушілердің ақшасына құрметпен қарау" болды.
"Біздің басымдықтарымыз қарапайым және тұрғындардың өздері айтқан мәселелерге негізделген: қауіпсіз көшелер, таза аудандар және кеңестің тиімді жұмысы", - деп аталды үндеуде.
Сондай-ақ кандидаттар Вестминстердің қазіргі лейбористік кеңесін сынға алып, биліктің "шексіз консультациялар" өткізетінін, бірақ тұрғынды тыңдамайтынын мәлімдеген.
Вестминстер кеңесі немен айналысадыWestminster City Council Лондонның орталық бөлігіндегі көптеген қалалық мәселелерге жауап береді. Депутаттардың міндеттеріне тұрғын үй, абаттандыру, баспанасыз адамдармен жұмыс, жергілікті қауымдастықтарды қолдау, әлеуметтік бағдарламалар, көше тазалау, мекемелерге лицензия беру және қалалық инфрақұрылымды дамыту кіреді.
Демек, Әбішев әлеуметтік бастамалардан бастап қалалық сервистерге дейінгі аудан тұрғындарының күнделікті тыныс-тіршілігіне қатысты шешімдерді қабылдауға қатысатын болады.
Санжар Әбішев туралы не белгілі?Кәсіпкер Қанат Көпбаев өзінің парақшасында сәуірде Санжар 33 жасқа толғанын жазды.
"Санжар мұнда мектеп кезінен бері тұрады, атақты Malvern College пен университетті бітірген. Қазақ отбасынан шыққан, ұлыбританиялық билік басында ешқандай туыстары мен таныстары жоқ жігіт білім, тәртіп және көпжылдық еңбек арқылы Лондонның беделді ауданының мэрі болды. Бұл оның жолының бастамасы ғана екеніне сенімдімін", - деді ол.
Әбішев немен айналысады?
Instagram-дағы бұл жарияланымды көру
Саясаттан бөлек, Санжар Әбішев қайырымдылық бастамаларымен айналысады. Оның сайтында 2015 жылдан бері Ұлыбританиядағы түрлі әлеуметтік және медициналық ұйымдарды қолдайтын ABI отбасылық жобасының негізін қалағаны айтылған.
Жоба мәліметтеріне сәйкес, он жыл ішінде қаражат жинау және қайырымдылық арқылы 15 серіктес ұйымға 28 мың фунт стерлингтен аса қаржы тартылған. Көмек бағыттарының арасында жұлын жарақаттарын зерттеу, балаларды, жас күтушілерді және қиын жағдайға тап болған жандарды қолдау бар.
"Біз қайырымдылық ұйымдарына қаражат жинау, донорлық көмек көрсету және олар айналысатын мәселелер туралы хабардарлықты арттыру арқылы қолдау көрсетеміз", - делінген бастаманың сипаттамасында.
Сайтты аталған жобалар арасында Honeypot Children’s Charity, Spinal Research және Cardinal Hume Centre-ге көрсетілген көмектер бар.
2025 жылдың ақпанында Әбішев Вестминстердегі отбасылар мен жастарға көмектесетін Cardinal Hume Centre ұйымына қаражат жинауға қатысқан. Сол кезде ол Вестминстер лорд-мэрінің қайырымдылық науқаны аясында орталықты қолдау үшін Лондон марафонына қатысатынын жариялаған болатын.
Үндеуінде ол бұл ұйымның адамдарға баспана, жұмысқа орналасу және миграциялық мәселелер бойынша көмектесетінін, сондай-ақ уақытша және сапасыз тұрғын үйде тұратын отбасылармен жұмыс істейтінін жазды.
"Вестминстер тұрғыны ретінде мен күн сайын кедейліктің ауыр зардаптарын - үйсіздіктен бастап, тәуелділік пен қарапайым гигиеналық жағдайлардың жоқтығына дейін көремін. Мұндай жағдайда ешкім, әсіресе балалар өмір сүрмеуі керек", - дейді Әбішев.
Сондай-ақ ол, орталық мәліметінше, Вестминстердегі балалардың төрттен біріне жуығы кедейлік шегінде өмір сүретініне назар аударған.
Google News арқылы жаңалықтарымызды қадағалаңыз
Жазылу