Egemen.KZ парақшасынан алынған деректерге сүйене отырып, Qazaq24.com жаңалық жариялайды..
Елде «Дипломмен – ауылға!» бағдарламасы басталды, деп хабарлайды Отбасы банк.
Бағдарлама жас мамандарға ауылдық жерде еңбек етіп, өмір сүруге және кәсіби тұрғыда дамуға жаңа мүмкіндік береді.
Бағдарламаның артықшылықтары:
Көтерме жәрдемақы: 100 айлық есептік көрсеткіш мөлшерінде біржолғы төлем; Тұрғын үйге жеңілдетілген несие: сатып алу немесе салу үшін 1% жылдық мөлшерлемемен (ЖТСМ – 1%); Несие сомасы: елді мекенге байланысты 2 500 АЕК-ке дейін; Қайтару мерзімі: 15 жылға дейін.Қатысуға кімдер құқылы?
Білім, денсаулық сақтау, әлеуметтік қорғау, агроөнеркәсіп, мәдениет, спорт салаларындағы және ауылдық округ әкімдері аппаратындағы (әкім мен олардың орынбасарларын қоспағанда) мемлекеттік қызметкерлер.
Негізгі шарттар:
техникалық, кәсіптік, ортадан кейінгі, жоғары немесе жоғары оқу орнынан кейінгі білімі бар тұлғалар; несие алған маман кемінде 3 жыл өз мамандығы бойынша ауылдық жерде жұмыс істеуге міндетті; бұрын алынған несиелер бойынша мерзімі өткен берешектің болмауы.Өтінім беру тәртібі:
Ауылдық жерден бос жұмыс орнын табу немесе әкімдікке жүгіну; Baspana Market платформасында тіркелу; Онлайн өтінім беріп, ЭЦҚ арқылы құжаттарға қол қою.«Дипломмен – ауылға!» бағдарламасы — жас мамандар үшін өз аймағын дамытуға, еңбек жолын бастаумен қатар баспаналы болуға тамаша мүмкіндік.