Inform.KZ парақшасындағы деректерге сәйкес, Qazaq24.com ақпарат таратты..
Бұл шара азаматтар мен мемлекеттің қауіпсіздігіне қатер төндірмейтін жекелеген қылмыстық және әкімшілік құқық бұзушылықтар жасаған тұлғаларға қатысты қолданылады.
Ел тарихында алғаш рет әкімшілік амнистия өткізу қарастырылып отыр. Оның аясында жеке тұлғалардың орындалмаған әкімшілік айыппұлдарын толық немесе ішінара есептен шығару мәселесі қаралады.
Қазіргі уақытта Ішкі істер министрлігі Әділет министрлігімен бірлесіп, амнистияны жүзеге асыру тетіктерін әзірлеуде. Құқық бұзушылық түрлері, амнистия қолданылатын тұлғалар санаты, айыппұлдарды есептен шығару көлемі мен тәртібі тиісті заң жобасын әзірлеу барысында нақтыланады.
— Амнистия ең қауіпті қылмыстарды жасаған тұлғаларға қолданылмайды. Олардың қатарына террористік, экстремистік және сыбайлас жемқорлық қылмыстар, кәмелетке толмағандардың жыныстық қол сұғылмаушылығына қарсы қылмыстар, сондай-ақ азаптау фактілері жатады. Бұдан бөлек, ол қайталама қылмыс жасағандарға және әділ соттан жалтарып жүрген адамдарға қолданылмайды, — делінген хабарламада.
Амнистия жүргізу туралы заңды парламенттік сессияның соңына дейін қабылдау жоспарланып отыр.
Кеше Премьер екі аптада рақымшылық жасау тетіктері бойынша ұсыныс әзірлеуді тапсырды.
Бұған дейін жаңа Конституция 1 шілдеден бастап ресми түрде күшіне енетінін жаздық.