Tengrinews.KZ парақшасындағы деректерге сәйкес, Qazaq24.com ақпарат таратты..
Аномальді ыстық пен тұрақсыз ауа райына қарамастан, Қазақстанда картоп пен басқа да көкөністер тапшылығы болмайды. Үкіметте өткен брифингте Ауыл шаруашылығы вице-министрі Азат Сұлтанов осындай болжам жасады, деп хабарлайды Tengrinews.kz тілшісі.
Шенеуніктен жаздағы күннің күрт ысуы өнім көлеміне және ішкі нарықты отандық өніммен қамтамасыз етуге әсер етпей ме деп сұрады.
Сұлтановтың айтуынша, негізгі көкөніс дақылдары суармалы жерлерде өсіріледі, сондықтан жағдай бақылауда.
"Қазіргі болжам бойынша орташа өнім аламыз деп отырмыз. Картоптан шамамен 2,5–2,6 миллион тонна өнім күтіледі. Бұл ішкі нарықты қамтамасыз ету үшін әбден жеткілікті. Көкөністер бойынша болжам шамамен 3,5 миллион тоннаны құрайды", - деді вице-министр.
Ол картопты жаппай жинау жұмыстары қыркүйек айында басталатынын атап өтті.
Астық дақылдарына тоқталған Сұлтанов батыс өңірлерде, сондай-ақ Қостанай және Солтүстік Қазақстан облыстарында жақсы өнім күтілетінін айтты. Сонымен қатар Ақмола облысының бір бөлігі атмосфералық құрғақшылықтан зардап шексе, Павлодар облысының диқандары да жауын-шашын тапшылығына тап болған.
Жаңа өнімнің едәуір бөлігі экспортқа кетіп қалмай ма деген сұраққа жауап бере отырып, вице-министр ішкі нарық басты басымдық болып қала беретініне сендірді.
"Біз Сауда министрлігімен бірлесіп, жағдайды үнемі бақылауда ұстап отырмыз. Егер өнім сыртқы нарықтарға белсенді түрде кете бастағанын көрсек, дереу шығаруға шектеу қою шараларын қабылдайтын боламыз", - деп мәлімдеді Сұлтанов.
Ол мұндай тетіктердің қазірдің өзінде қолданылып жатқанын еске салды. Мәселен, егін жинау науқаны кезінде Қазақстан отандық өндірушілерді қолдау үшін дәстүрлі түрде алма импортын шектейді.
Бұдан бөлек, қажет болған жағдайда ішкі нарықты толықтыру үшін өңірлердің тұрақтандыру қорлары жұмылдырылады.
Тоқаев Сапаровқа Қазақстандағы азық-түлік қауіпсіздігін нығайтуды тапсырды
Google News арқылы жаңалықтарымызды қадағалаңыз
Жазылу