Qazaq24.com, Sputnik.KZ дереккөзінен алынған ақпаратқа сүйене отырып мәлімет бөліседі..
АСТАНА, 8 қараша – Sputnik. Биыл дәнді дақылдардан рекордтық өнім алынды, деп хабарлайды ауыл шаруашылығы министрлігі.
Дәнді дақылдардың өнімі 27 млн тоннадан асып, майлы дақылдардың жиналымы бұрын-соңды болмаған деңгейге жеткен.
"Бастапқы салмақта 27,1 млн тонна, оның ішінде бидай – 20,3 млн тонна. Бұл өткен жылмен салыстырғанда 0,5 млн тоннаға көп, алайда бидайдың егіс алқабы шамамен 900 мың гектарға қысқарған болатын", - дейді министрлік.
Алғаш рет бұршақ дақылдарының өнімі 1 млн тоннаға жеткен. Майлы дақылдар бойынша да рекорд тіркелді — 4,5 млн тонна, кей өңірлерде жинау жұмыстары әлі де жалғасып жатыр.
Өсімдік шаруашылығының басқа бағыттары бойынша да жақсы нәтижелерге қол жеткізілген:
картоп – 2,9 млн тонна;
көкөніс – 3,8 млн тонна;
бақша дақылдары – 2,6 млн тонна жиналды.
"Жалпы егін жинау жұмыстары қалыпты режимде, оңтайлы агротехникалық мерзімде өтті, айтарлықтай қиындықтар болған жоқ", дейді ауыл шаруашылығы вице-министрі Азат Сұлтанов.
Қазір майлы дақылдар, сүрлемге арналған жүгері және қант қызылшасын жинау аяқталу сатысында.