Қазақстанда ауа райы өзгереді: 14 сәуір, сейсенбіге арналған болжам

"Қазгидромет" сейсенбі, 14 сәуірге арналған еліміздің қалаларындағы ауа райы болжамын ұсынды, деп хабарлайды Tengrinews.kz тілшісі.

"Қазгидромет" сейсенбі, 14 сәуірге арналған еліміздің қалаларындағы ауа райы болжамын ұсынды, деп хабарлайды Tengrinews.kz тілшісі.

Солтүстікте жаңбыр жауып, кей жерлерде тұман түседі және түнде үсік жүреді деп күтіліп отыр. Оңтүстікте негізінен жауын-шашынсыз болады, кей уақытта жел күшейеді.

Батыста жаңбыр жауып, найзағай ойнайды, кейбір ауданда нөсерлетіп, екпінді жел соғады деп болжанған. Шығыста жауын-шашын (жаңбыр мен қар) жауып, тұман түсуі мүмкін.

Қалалар бойынша ауа райы

Астана - күн құбылмалы, жауын-шашынсыз. Оңтүстік-шығыстан соғатын жел жылдамдығы секундына 7-12 метрге жетеді. Ауа температурасы түнде 0 градус шамасында, күндіз 12-14 градус жылы болады.

Алматы - күн құбылмалы, жауын-шашынсыз. Солтүстік бағыттағы жел жылдамдығы секундына 3-8 метрге жетеді. Ауа температурасы түнде 7-9 градус жылы, күндіз 21-23 градус жылы болады.

Шымкент - күн құбылмалы, жауын-шашынсыз. Солтүстік-шығыстан соғатын жел жылдамдығы секундына 8-13 метрге жетеді. Ауа температурасы түнде 10-12 градус жылы, күндіз 26-28 градус жылы болады.

Түркістан - күн құбылмалы, жауын-шашынсыз. Солтүстік-шығыстан соғатын жел жылдамдығы секундына 8-13, екпіні 15-20 метрге жетеді. Ауа температурасы түнде 13-15 градус жылы, күндіз 28-30 градус жылы болады.

Қонаев - күн құбылмалы, жауын-шашынсыз. Батыстан соғатын жел жылдамдығы секундына 9-14 метрге жетеді. Ауа температурасы түнде 7-9 градус жылы, күндіз 21-23 градус жылы болады.

Талдықорған - күн құбылмалы, жауын-шашынсыз. Солтүстік-шығыстан соғатын жел жылдамдығы секундына 7-12 метрге жетеді. Ауа температурасы түнде 2-4 градус жылы, күндіз 21-23 градус жылы болады.

Қызылорда - аздап бұлтты, жауын-шашынсыз. Күндіз шаңды дауыл тұрады. Шығыстан соғатын жел жылдамдығы секундына 7-12, күндіз екпіні 15-20 метрге жетеді. Ауа температурасы түнде 11-13 градус жылы, күндіз 28-30 градус жылы болады.

Тараз - күн құбылмалы, жауын-шашынсыз. Солтүстік-шығыстан соғатын жел жылдамдығы секундына 9-14, күндіз екпіні 15-20 метрге жетеді. Ауа температурасы түнде 8-10 градус жылы, күндіз 24-26 градус жылы болады.

Ақтау - бұлтты, жаңбыр жауып, найзағай ойнайды. Солтүстік-батыстан соғатын жел жылдамдығы секундына 9-14, екпіні 15-20 метрге жетеді. Ауа температурасы түнде 8-10 градус жылы, күндіз 11-13 градус жылы болады.

Атырау - бұлтты, жаңбыр жауып, найзағай ойнайды, күндіз кей уақытта нөсер жауын жауады. Түнде және таңертең тұман түседі. Оңтүстік-батыстан соғып, кейін солтүстік-батысқа ауысатын жел жылдамдығы секундына 7-12, күндіз екпіні 15-18 метрге жетеді. Ауа температурасы түнде 9-11 градус жылы, күндіз 13-15 градус жылы болады.

Орал - бұлтты, түнде жаңбыр, күндіз аздаған жаңбыр жауып, найзағай ойнайды. Түнде және таңертең тұман түседі. Оңтүстік-шығыстан, оңтүстіктен соғатын жел жылдамдығы секундына 9-14 метрге жетеді. Ауа температурасы түнде 12-14 градус жылы, күндіз 18-20 градус жылы болады.

Ақтөбе - күн құбылмалы, жауын-шашынсыз. Шығыстан, оңтүстік-шығыстан соғатын жел жылдамдығы секундына 7-12 метрге жетеді. Ауа температурасы түнде 11-13 градус жылы, күндіз 25-27 градус жылы болады.

Қарағанды - күн құбылмалы, жауын-шашынсыз. Солтүстік-шығыстан соғатын жел жылдамдығы секундына 5-10 метрге жетеді. Ауа температурасы түнде 1-3 градус жылы, күндіз 13-15 градус жылы болады.

Жезқазған - күн құбылмалы, жауын-шашынсыз. Солтүстік-шығыстан соғатын жел жылдамдығы секундына 4-9 метрге жетеді. Ауа температурасы түнде 10-12 градус жылы, күндіз 24-26 градус жылы болады.

Қостанай - күн құбылмалы, түнде және таңертең аздаған жаңбыр жауып, найзағай ойнайды, тұман түседі. Оңтүстік-шығыстан соғатын жел жылдамдығы секундына 5-10 метрге жетеді. Ауа температурасы түнде 5-7 градус жылы, күндіз 17-19 градус жылы болады.

Көкшетау - күн құбылмалы, күндіз жаңбыр жауады. Оңтүстік-шығыстан соғып, кейін оңтүстік-батысқа ауысатын жел жылдамдығы секундына 5-10 метрге жетеді. Ауа температурасы түнде 0 градус шамасында, күндіз 10-12 градус жылы болады.

Петропавл - күн құбылмалы, күндіз аздаған жаңбыр жауады. Түнде және таңертең тұман түседі. Оңтүстік-шығыстан соғып, кейін оңтүстік-батысқа ауысатын жел жылдамдығы секундына 9-14 метрге жетеді. Ауа температурасы түнде 1-3 градус суық, күндіз 10-12 градус жылы болады.

Павлодар - күн құбылмалы, жауын-шашынсыз. Бағыты өзгермелі жел жылдамдығы секундына 3-8 метрге жетеді. Ауа температурасы түнде 2-4 градус суық, күндіз 9-11 градус жылы болады.

Семей - күн құбылмалы, түнде жаңбыр жауады. Солтүстік-батыстан соғып, кейін солтүстік-шығысқа ауысатын жел жылдамдығы секундына 7-12 метрге жетеді. Ауа температурасы түнде 1 градус суық пен 1 градус жылы аралығында, күндіз 8-10 градус жылы болады.

Өскемен - күн құбылмалы, түнде және таңертең жауын-шашын (жаңбыр, қар) жауады, тұман түседі. Солтүстік-батыстан соғып, кейін оңтүстік-батысқа ауысатын жел жылдамдығы секундына 7-12 метрге жетеді. Ауа температурасы түнде 0-2 градус суық, күндіз 8-10 градус жылы болады.

Следите за нашими новостями в Google News