Qazaq24.com, Azh.KZ дереккөзінен алынған мәліметтерге сүйене отырып түсініктеме береді..
Қазақстанда банктер арасындағы бірыңғай QR төлем жүйесін енгізу бойынша талқылаулар аяқталды. Ұлттық банк төрағасы Тимур Сүлейменов Мәжіліс кулуарында жобаның кешеуілдеу себептерін түсіндіріп, алғашқы транзакциялар мерзімін атады, деп хабарлайды Halyqstan.
Президент бұған дейін ірі қаржы ұйымдарының ортақ жүйеге қосылуға асықпай отырғанын сынға алған еді. Сүлейменовтің айтуынша, «қаласам-қаламасам» кезеңі аяқталды, енді бірыңғай стандарт заңмен бекітілді.
Әр банктің өзіне тән протоколдары мен деректерді қорғау алгоритмдері бар. QR-кодтағы ақпарат пен криптографиялық қорғауды біріздендіру негізгі техникалық қиындық болып шықты.
«Қазір біз осының бәрін бір жүйеге келтіріп жатырмыз. Президент нақты айтты: бізге төлемдік егемендік және тек өзімізге тәуелді ұлттық цифрлық қаржылық инфрақұрылым қажет», – деді Сүлейменов.
2026 жылғы сәуірде – пилоттық транзакциялар тестілік режимде басталады; Пилоттан кейін – жүйе толыққанды өндірістік пайдалануға көшеді.Бірыңғай QR арқылы қазақстандықтар кез келген банктің терминалына өз қосымшасын пайдаланып төлем жасай алады. Бұл нарықтағы бәсекені күшейтіп, тұтынушылар үшін төлемдерді анағұрлым ыңғайлы етуі тиіс.
Бүгін, 14:12