Egemen.KZ парақшасынан алынған деректерге сүйене отырып, Qazaq24.com жаңалық жариялайды..

Сейсенбі күні Қазақстандағы Теңіз және Королевское кен орындарында мұнай өндірудің уақытша тоқтауына байланысты әлемдік мұнай бағасы өсті, деп хабарлайды Egemen.kz.

Фото: depositphotos.com Reuters агенттігінің мәліметінше, америкалық Chevron компаниясының еншілес кәсіпорны – «Теңізшевройл» электрмен жабдықтаудағы ақауларға байланысты жұмысын тоқтатуға мәжбүр болған.

Өндіріс тағы 7-10 күнге дейін тоқтап тұруы мүмкін, бұл Каспий құбыр консорциумы арқылы мұнай экспортын қысқартуға әкеледі.

Осы жағдай шеңберінде Brent маркалы мұнай фьючерстері 98 центке қымбаттап, баррелі 64,92 долларға жетті.

Ал WTI маркалы мұнай бағасы 1,11 долларға өсіп, баррелі 60,55 доллар болды.

ICIS компаниясының энергетика жөніндегі директоры Аджай Пармардың айтуынша, «Теңіз» – әлемдегі ең ірі кен орындарының бірі болғандықтан оның тоқтауы, әрине, жеткізілімге әсер етеді, алайда бұл уақытша жағдай.

Нарыққа Қытайдан келген оң экономикалық деректер де қолдау көрсетті.