Qazaq24.com, Aikyn.KZ дереккөзінен алынған ақпаратқа сүйене отырып жаңалық таратады..
Қазақстанда жылжымайтын мүлікті сату кезінде құн өсімінен табыс табылса, оған 10% жеке табыс салығы (ЖТС) салынады.
2026 жылғы 1 қаңтардан бастап жаңа ереже күшіне енді. Тengri Нome дерегінше, Егер меншік құқығы осы күннен кейін тіркелсе, пәтерді сатып алғаннан кейін кемінде екі жыл иеленген жағдайда ғана құн өсімінен салық төлеуден босатылады. Бұған дейін бұл мерзім бір жыл болған.
Мұраға немесе сыйға берілген жылжымайтын мүлікті алғаны үшін ЖТС төленбейді. Алайда оны кейін сатқан кезде құн өсімінен табыс пайда болса, салық міндеттемесі туындайды.
Егер мұраға немесе сыйға алынған пәтердің бағалау құны анықталған болса, салық сату бағасы мен бағалау құнының айырмасынан есептеледі. Ал бағалау жүргізілмесе, кейбір жағдайларда салық бүкіл сату құнынан есептелуі мүмкін.
Егер салық төлеу міндеті туындаса, азамат келесі жылдың 15 қыркүйегіне дейін декларация тапсырып, құн өсімінен түскен табыстың 10%-ын ЖТС ретінде төлеуі тиіс.
Салықты уақытында төлемеген жағдайда өсімпұл есептеледі, ал берешек кейін сот арқылы өндіріп алынуы мүмкін.