Tengrinews.KZ парақшасынан алынған ақпаратқа сүйене отырып, Qazaq24.com хабарлама жасады..
Қазақстанда кейбір пойыздар кішігірім станциялардағы аялдамалар санын азайтады. Бұл туралы "Қазақстан темір жолы" ұлттық компаниясының стратегия және цифрландыру жөніндегі басқарма төрағасының орынбасары Әнуар Ахметжанов мәлімдеді, деп хабарлайды Tengri Travel.
Қазақстанда кейбір пойыздар кішігірім станциялардағы аялдамалар санын азайтады. Бұл туралы "Қазақстан темір жолы" ұлттық компаниясының стратегия және цифрландыру жөніндегі басқарма төрағасының орынбасары Әнуар Ахметжанов мәлімдеді, деп хабарлайды Tengri Travel.
Үкіметте өткен брифингте журналистер: "Кейбір пойыздардың 30 сағат бойы жолда жүретінін ескере отырып, Қазақстанда пойыз кестесін қысқарту мәселесі қарастырылып жатыр ма?" – деп сұрады.
"Пойыздардың жылдамдығы – біздің басты мақсатымыз. Бірақ бұл инфрақұрылымға байланысты. Өздеріңіз білетіндей, жаз мезгілінде жөндеу жұмыстарының ауқымды көлемін жүргіземіз, бұл қозғалыс кестесінің бұзылуына әкеледі. Дегенмен бірқатар шара қабылданды. Бірінші кезекте вагондар мен локомотивтерді жаңартып жатырмыз – бұл жылдамдықты арттыруға мүмкіндік береді. Сондай-ақ өңірлердің қажеттіліктерін ескере отырып, аялдамалар санын қысқартуды жоспарлап отырмыз", - деп жауап берді Әнуар Ахметжанов.
Ол мысал ретінде тек Қазақстан аумағында 22 рет тоқтайтын "Астана - Омбы" пойызын атап өтті.
"Мұндай халықаралық пойыздардың шағын станцияларға тоқтауының қажеті жоқ деп ойлаймыз. Біз аялдамалар санын қысқарту арқылы жылдамдықты арттыруға бейілміз", - деді ҚТЖ басшысының орынбасары.
Бұған дейін ҚТЖ басшысы Талғат Алдыбергенов Қазақстанда Stadler компаниясының жаңа пойыздарын іске қосуға не кедергі екенін түсіндірген болатын. Өз кезегінде премьер-министр Олжас Бектенов оларды іске қосу мерзімін созуға жол берілмейтінін мәлімдеді.
Google News арқылы жаңалықтарымызды қадағалаңыз
Жазылу