Sputnik.KZ парақшасынан алынған деректерге сүйене отырып, Qazaq24.com жаңалық жариялайды..
АСТАНА, 30 желтоқсан – Sputnik. Қазақстанда салауатты өмір салтын ұстанатын халық саны бір жылда 34,2%-дан 35,7%-ға өсті. Бұл туралы Салидат Қайырбекова атындағы Ұлттық ғылыми денсаулық сақтауды дамыту орталығы жүргізген зерттеуде айтылған.
Зерттеу 17 облыс пен республикалық маңызы бар үш қалада 13 617 респонденттің қатысуымен жүргізілді.
"Зерттеу нәтижесі бойынша 2025 жылы салауатты өмір салтына бейімділіктің интегралды көрсеткіші 2024 жылғы 34,2%-дан 35,7%-ға өсті", - деп хабарлады Денсаулық сақтау министрлігінің баспасөз қызметі.
Салауатты мінез-құлықтың неғұрлым тұрақты үлгілері әйелдерге, жоғары білімі бар адамдарға және қала тұрғындарына тән.
Ал ер адамдар, 45–59 жас аралығындағы азаматтар және білім деңгейі төмен топтар мінез-құлықтық қауіп факторлары бойынша ең осал санаттар қатарында қалып отыр.