7kun.KZ парақшасындағы ақпаратқа сәйкес, Qazaq24.com хабар таратты..
Үкімет 23 желтоқсанда жаңа қаулы қабылдап, зейнетақы және мақсатты жинақтарды төлеуге қатысты ережелерді жаңартты.
Енді БЖЗҚ азамат туралы мәліметтерді мемлекеттік дерекқордан автоматты түрде алып, қатысушылардың электрондық тізімін жасайды. Тізім жыл сайын 20 қаңтарға дейін қалыптастырылып, тексерістен өтеді.
Негізгі өзгерістер:
Мақсатты жинақтардың сомасы жыл сайын жаңартылып есептеледі;
Азаматтықтан айырылғандар мақсатты төлем алу құқығынан айырылады, олардың қаражаты басқа қатысушылар арасында қайта бөлінеді;
Қайтыс болған тұлғалардың ақшасын мұрагерлер ала алады, бірақ ол үшін өтініш пен мұрагерлікті растайтын құжаттар қажет;
Өтініш тек БЖЗҚ-дағы шотқа қаражат аударылғаннан кейін қабылданады.
Мұрагерлерге қажет құжаттар:
өтініш;
жеке куәлік;
мұрагерлікке құқық туралы құжат немесе сот шешімі;
банк шотының реквизиттері.
Өтінішті сенім білдірілген тұлға арқылы да тапсыруға болады, ал шетелден жіберілсе, құжаттар нотариалды куәландырылуы тиіс.