Inform.KZ дереккөзінен алынған мәліметтерге сүйене отырып, Qazaq24.com түсініктеме жасады..
Тыйымдар келесі шот түрлерінен алынады:
– жалақыға арналған шоттар;
– алимент төлеуге арналған шоттар;
– зейнетақы төлемдері шоттары;
– мемлекеттік жәрдемақыларға арналған шоттар.
Азаматтар осы науқанға қатысу үшін Adilet.gov мобильдік қосымшасында тіркеліп, жеке сот орындаушысына шоттардан тыйымды алып тастау туралы өтініш беруі қажет. Содан кейін тиісті құжаттар ұсынылуы міндетті, мысалы, жалақы түсетін шот туралы жұмыс орнынан анықтама немесе зейнетақы шоты екенін растайтын құжат.
Әділет министрлігі атап өткендей, шоттардан тыйымдарды алып тастау азаматтарды атқарушылық құжаттар бойынша міндеттемелерден, соның ішінде өндіріп алу, айыппұл төлеу сияқты талаптардан босатпайды. Бұл шара тек төлемдерге арналған шоттардың бұғатталуын жоюға бағытталған.
Осыған дейін салық берешегі 86 500 теңгеге жетпейтіндердің шоттары бұғатталмайтынын жазған едік.