Sputnik.KZ дереккөзінен алынған мәліметтерге сүйене отырып, Qazaq24.com түсініктеме жасады..
АСТАНА, 19 ақпан – Sputnik. Қазақстанда қытай технологиясы бойынша көмір жылу электр орталықтарын салу жоспарланып отыр. Бұл туралы Sputnik Қазақстан алаңында өткен баспасөз конференциясында энергиямен жабдықтау ұйымдары қауымдастығының төрағасы Сергей Агафонов мәлімдеді.
"Мен бұл туралы жиі айтып жүрмін, егер мұның бәрін қытайлықтар салса, біз қымбат ойыншық аламыз деген сөз. Қазақстан аумағында жергілікті өндіріс немесе сериялық локализация болмаса – оның бәрі қымбат ойыншық болып қалады, оларға қызмет көрсету де қымбатқа түседі", - деді ол.
Сарапшы бұған жол бермеу үшін технологиялар трансферті туралы "байыпты ойлану" керек екенін атап өтті.
Оның айтуынша, құрылыс БЖЗҚ қаражаты есебінен қаржыландырлады, ал ЖЭО іске қосылғаннан кейін 3-4 жылдың ішінде тұрғындарға арналған электр энергиясының тарифі 1 киловатт/сағат үшін 100 теңгеге дейін жетуі мүмкін.
Бұған жауап ретінде қоғам қайраткері және энергетик Петр Своик алдағы 5 жыл ішінде тарифті сағатына 1 киловатт үшін 30 теңге деңгейінде ұстап тұру мүмкіндігі бар екенін айтты.
"Мұны модернизация мен дамудың нақты шығыны жағдайында жасауға бола ма? Иә, егер сіз мемлекет атынан қайтарылмайтын, коммерциялық емес, тек тікелей инвестицияларды қолдансаңыз. Яғни, мемлекет энергетика қуатын ұлғайту есебінен инвестор болады, онда мұндай тарифті де қолдауға болады. Қаражатты қайдан алуға болады, бірыңғай жинақтаушы зейнетақы қорынан алуға болады", - деп бөлісті сарапшы.
Оның айтуынша, билік жыл сайын зейнетақы қорына түсетін қаражаттан 2 трлн теңгеден астам қаражат сала алады. Бұл энергетиканы тәуекелге бел буып дамытуға мүмкіндік береді, деп санайды Своик.
Ол сондай-ақ энергетикада қожайын жоқ деп санайды. Ол үшін толыққанды энергетика және ТКШ министрлігін құру керек дейді.
"Мағынасыз "Самұрық – Қазынадан" "KEGOC," "Самұрық-Энерго" және "Қазатомөнеркәсіпті" алып, осы министрлікке беру керек", - деп бөлісті спикер.
Бұл алдағы 10 жылға арналған энергетиканы дамытудың Бас жоспарын құруға мүмкіндік береді. Осылайша генерацияның барлық түрін: ЖЭК, көмір және атомды ескере отырып, қайда бағыт бұру керектігі түсінікті болады.
Сарапшылардың пайымдауынша, Қазақстан үшін жылу мен электр энергиясын өндіретін ЖЭО салу ең тиімді жол. Мұндай станциялар тиімділігі 30% болатын таза жылу станцияларына қарағанда 80%-тен астам пайда әкеледі.
"Жылу мен электр энергиясын бірлесіп өндіру - бұл суперэкономика. Үнемдесең, шығарынды аз болады, қоршаған ортаға зияны азаяды. Яғни, іс жүзінде бізге тек көмірлік генерацияны дамыту жеткіліксіз, жылу беру жүйесін дамыту қажет. Талдықорған мен Көкшетауды қоспағанда, біздің барлық қалада ЖЭО бар", - дейді Петр Своик.
Оның пікірінше, Өзбекстандағы шағын модульдік атом электр станциялар тәжірибесін болашақта Қазақстандағы ескірген ЖЭО орнында бастауға мүмкіндік бар.
Оның пікірінше, Өзбекстандағы шағын модульдік атом электр станцияларын пайдалану тәжірибесі болашақта ескірген ЖЭО-лардың орнында олардың құрылысын бастауға мүмкіндік береді.