Қазақстанда жергілікті өндірістен алғашқы GWM пикаптары шықты

Қазақстанда барлығы 305 пикап шығарылды: 233-і Wingle 7, 72-сі Poer.

Бұл пикаптар дәстүрлі түрде нарықта ерекше орын алады. Олар жеке жеңіл автокөлік пен коммерциялық техниканың мүмкіндіктерін біріктіреді. Мұндай модельдер бизнес, құрылыс және ауыл шаруашылығында сұранысқа ие. Wingle 7 мен Poer 975 кг-ға дейін жүк тасымалдайды және қорғаныс жабыны бар жүк платформасымен жабдықталған.

GWM Poer – толық өлшемді рамалы пикап, дөңгелек базасы 3230 мм, габариті 5416×1947×1884 мм. 2,0 л турбо бензин қозғалтқышымен (218 а.к.) жабдықталған. Бағасы 16 182 800 теңгеден басталады.

GWM Wingle 7 – нақты шаруаға арналған берік рамалы пикап. Өлшемі 5395x1800x1860 мм, дөңгелек базасы 3350 мм. Модель жақында өзгеріске ұшырап, жаңа радиатор торы, мультимедиялық жүйе, руль мен өзгеше дизайндағы дөңгелектермен ерекшеленді. Таңдауға екі қозғалтқыш ұсынылады: 2,4 л бензин (149 а.к., 220 Нм) және 2,0 л турбодизель (143 а.к., 315 Нм). Қазіргі уақытта бұл Қазақстан нарығында дизель нұсқасын ұсынып отырған жалғыз пикап. Бензин нұсқасының бағасы 12 502 800 теңгеден, ал дизель нұсқасының бағасы 13 422 800 теңгеден басталады.

– Пикаптар – қарқынды дамып жатқан әмбебап сегмент. Оларға бизнес те, функционалдылық пен комфортты бағалайтын жеке клиенттер де қызығушылық танытады. Локализация бізге Қазақстан жағдайына бейімделген тиімді шешім ұсынуға мүмкіндік береді, - деп атап өтті Haval Motor Kazakhstan дистрибуция директоры Эдуард Кузнецов.

Іс-шара аясында түрлі жол жағдайында тест-драйв өтті. Пикаптар жүкпен тексеріліп, жаңбырлы ауа райында олардың басқарылуы мен жолда ұстауы бағаланды.

– Wingle 7 және Poer әртүрлі қолдану сценарийін ұсынады – жұмыс пен әмбебап пайдалану үшін. Олар бизнеске де, демалыс пен саяхатқа да ыңғайлы, - деді автосарапшы Артур Мискарян.

Қазақстанда GWM брендін ресми түрде Astana Motors компаниясына қарасты Haval Motor Kazakhstan ұсынады. Қазіргі уақытта Қазақстан бойынша HAVAL кроссоверлерін, TANK жол талғамайтын көліктерін, сондай-ақ Wingle 7 және Poer пикаптарын ұсынатын 33 дилерлік орталық бар. Толығырақ ақпарат Haval Motor Kazakhstan сайтында және 7007 нөмірі бойынша.