Qazaq24.com, Sputnik.KZ дереккөзінен алынған ақпаратқа сүйене отырып мәлімет бөліседі..
АСТАНА, 15 қазан – Sputnik. Қазақстандық SOCIAL REPUBLIC жобасы "Еуразия" халықаралық сыйлығының "Еуразия көшбасшысы" номинациясында үшінші орын иеленді.
Жоба мүмкіндігі шектеулі жандарды жұмыспен қамтуға бағытталған. Оның аясында инклюзивті кофеханалар мен такси қызметі дамытылып, ерекше қажеттіліктері бар адамдарға еңбек етуге және қоғам өміріне белсенді араласуға мүмкіндік беріледі.
"Еуразия көшбасшысы" номинациясы қоғамдық өмірге елеулі ықпал ететін жобаларды жүзеге асыруға жеке үлес қосқан азаматтарды марапаттауға арналған.
Марапатты Ресей президентінің баспасөз хатшысы Дмитрий Песков пен "Еуразия" автономды коммерциялық емес ұйымының үйлестіру кеңесінің төрағасы Алёна Аршинова табыстады.
"Еуразия" халықаралық сыйлығы биыл екінші рет өткізіліп отыр. Ұйымдастырушылардың мәліметінше, биыл байқауға 73 елден 5 мыңнан астам өтінім түскен. Сыйлықтың жалпы жүлде қоры 17 миллион рубльді құрайды.