Qazaq24.com, Tengrinews.KZ дереккөзінен алынған ақпаратқа сүйене отырып мәлімет бөліседі..
Мамырда қазақстандықтар бір айда екі рет толған айды - сирек кездесетін астрономиялық құбылысты тамашалай алады, деп хабарлайды Tengri Life.
Мамырда қазақстандықтар бір айда екі рет толған айды - сирек кездесетін астрономиялық құбылысты тамашалай алады, деп хабарлайды Tengri Life.
Мән-жайыҒЗИ мен КЖФИ Күн астрономиясы зертханасының мәліметінше, мамырдың 1-нен 2-іне қараған түні алғашқы ай толады.
Зертхана болжамына сәйкес, айдың екінші рет толуы 31 мамырда болады.
"Айдың толуы шамамен 29,5 тәулік аралығында қайталанады (негізінен 30 күндік күнтізбелік ай осыдан пайда болған), сондықтан бір айға, әсіресе 31 күні бар айға екі толық айды сыйғызудың математикалық мүмкіндігі бар", - деді ресейлік ғалымдар.
Кейінгі рет бір айда екі толық ай 2023 жылдың тамызында болса, келесі жолы мұндай құбылыс 2028 жылдың желтоқсанында қайталанады.
Қазақстандықтар толған айды қашан көре алады?Біз сарапшы пікірін білу үшін В.Г.Фесенков атындағы Астрофизика институтының қызметкері Светлана Мошкинаға хабарластық.
"Айдың толуын және оның барлық фазасын Жер планетасының барлық тұрғыны бақылай алады, тек әртүрлі уақытта. Айдың толуы 1 мамырда Астана уақытымен 22:23-те болады. Егер ауа райы қолайлы болса, оны бүкіл Қазақстан тұрғындары көре алады", - деді ол.
Маманның айтуынша, айдың екінші рет толуы 31 мамырда күтіледі. Ауа райы ашық болса, оны да аспаннан тамашалауға болады.
Толған айды қалай көруге болады?Толған айды көрудің ең оңай жолы - көкжиектен Күн батқан нүктені тауып, 180 градусқа бұрылу.
"Ай шамамен осы уақытта аспанның қарама-қарсы жағынан көрінеді. Жер серігі төбеде жоғары тұратын қысқы айдың толуынан айырмашылығы, көктемнің соңы мен жазда ай көкжиектен тым жоғары көтерілмейді (небәрі 10–20 градус)", - деді зертханадағылар.
Бақылау үшін шығыс жаққа көрініс ашық болуы керек, айналаны ағаштар мен үйлер тасаламағаны абзал.
Еске сала кетейік, 22 сәуірге қараған түні қазақстандықтар аспанда Лирид метеор жауынының шарықтау шегін тамашалай алатыны хабарланған болатын.
Тағы оқыңыз: Алматы тұрғындары аспандағы сирек құбылысты суретке түсіріп алды
Google News арқылы жаңалықтарымызды қадағалаңыз
Жазылу