Inform.KZ парақшасынан алынған деректерге сүйене отырып, Qazaq24.com мәлімдеме жасады..
— Бүгін дәл осы жерде болу мен үшін зор мәртебе. Барлық уақытта да Қазақстанда болуды армандаған едім және неліктен екенін де айтып берейін. Университетте халықаралық сауда факультетінде оқыдым. Университет бітіргеннен кейін Барселона қаласында химия саласында жұмыс істей бастадым. Бұл осыдан ертеректе — 1998 жылдың қарашасында болған еді. Факультетте білім алып жүргенімде сөз негізінен Қазақстандағы «жасыл фосформен» жұмыс жайында өрбитін, — деп еске алды чех Үкімет басшысы.
Мәртебелі мейман сол уақыттан Қазақстанды, фосфор өндіретін жерді көру басты мақсаты болғанын айтты.
Фото: Виктор Федюнин/ Kazinform— Жұмыс істеп жүргенімде басшылығымнан Қазақстанға жіберуін сұрадым. Бірақ, өкінішке орай осы уақытқа дейін Қазақстанға келуге еш мүмкіндігім болмады. Бұл менің Қазақстанға, сіздердің тамаша елдеріңізге алғашқы келуім, — деді Андрей Бабиш.
Бұған дейін Чехия бизнесі Қазақстандағы инвестициялық мүмкіндіктерге қызығушылық танытқанын жазған едік.