Arasha.KZ парақшасынан алынған деректерге сүйене отырып, Qazaq24.com хабарлама жасады..
«Қазгидромет» РМК баспасөз қызметі бейсенбі күні Қазақстанның бірқатар өңірлерінде жаңбыр мен қар жауатынын хабарлады.
«Қазақстан аумағының басым бөлігі антициклон жотасының ықпалында болады, соған байланысты жауын-шашынсыз ашық ауа райы күтіледі. Республиканың орталығы мен оңтүстік-шығысында түнде қар, күндіз жауын-шашын (жаңбыр, қар), еліміздің оңтүстік өңірлерінде атмосфералық фронталды бөліністердің әсерінен тұрақсыз ауа райы күтіледі, жауын-шашын болып, кей уақытта қатты жауады, көктайғақ, боран болжанады. Республика бойынша тұман күтіледі, орталықта, оңтүстік-шығыста, оңтүстікте жел 15-20 метр секундқа дейін, кей уақытта екпіні 25-28 метр секундқа дейін күшейеді. Түнде Шығыс Қазақстан облысының солтүстігінде, шығысында -40 градус қатты аяз күтіледі», - делінген хабарламада.
Астанада көшпелі бұлтты, жауын-шашынсыз. Жел шығыстан 9-14 метр секунд. Ауа температурасы түнде -24-26, күндіз -17-19.
Алматыда бұлтты, түнде қар, күндіз жауын-шашын, кей уақытта қатты жауын-шашын (мұзды жаңбыр, қар). Кей уақытта тұман, көктайғақ. Жел батыстан 3-8, кей уақытта екпіні 15 метр секунд. Ауа температурасы түнде -1-3, күндіз 0+2.
Шымкентте көшпелі бұлтты, жауын-шашын, кей уақытта қатты жауын-шашын (негізінен жаңбыр). Кей уақытта тұман. Жел оңтүстік-батыстан 8-13, екпіні 15-20 метр секунд. Ауа температурасы түнде +3+5, күндіз +7+9.
Ақмола облысында жауын-шашынсыз. Күндіз -15-20, түнде -22-27.
Ұлытау облысында түнде оңтүстігінде қар, күндіз оңтүстігінде жаңбыр мен қар. Күндіз -8-13, түнде -10-15.
Қарағанды облысында оңтүстігінде қар. Күндіз -15-20, түнде -20-25.
Батыс Қазақстан облысында жауын-шашынсыз. Күндіз -5-10, түнде -15-20.
Атырау облысында да жауын-шашынсыз. Күндіз 0+5, түнде -7-12.
Маңғыстау облысында түнде және таңертең солтүстік-шығысында және орталығында жаңбыр. Күндіз +2+7, түнде -4+1.
Ақтөбе облысында түнде оңтүстігінде қар. Күндіз -5-10, түнде -12-17.
Қостанай облысында жауын-шашынсыз. Күндіз -15-20, түнде -25-30.
Солтүстік Қазақстан облысында да жауын-шашынсыз. Күндіз -20-25, түнде -25-30.
Павлодар облысында жауын-шашын күтілмейді. Күндіз -23-28, түнде -33-38.
Абай облысында да жауын-шашын күтілмейді. Күндіз -18-23, түнде -30-35.
Шығыс Қазақстан облысында жауын-шашынсыз. Күндіз -20-25, түнде -30-35.
Қызылорда облысында жаңбыр мен қар. Күндіз және түнде -3-8.
Түркістан облысында да жаңбыр мен қар. Күндіз +4+9, түнде 0+5.
Жамбыл облысында тауларда қар, түнде жаңбыр мен қар, күндіз оңтүстік-батысында және шығысында жаңбыр. Күндіз +4+9, түнде -2+3.
Алматы облысында түнде солтүстігінде қар, күндіз жаңбыр мен қар, тауларда қар. Күндіз және түнде -3+2.
Жетісу облысында тауларда қар, күндіз бүкіл аумақта жаңбыр мен қар. Күндіз -1+4, түнде -5-10.
«Алдағы тәулікте оңтүстік пен оңтүстік-шығыстың таулы өзендерінде жауын-шашын болжамына байланысты су деңгейінің көтерілуі күтіледі. Жазық өзендерде қысқы межень сақталады», - деп ескертті синоптиктер.