Qazaq24.com, Tengrinews.KZ дереккөзінен алынған мәліметтерге сүйене отырып ақпарат бөліседі..
Түркістан облысындағы бірнеше жекеменшік клиниканың пациенттері медициналық мекемелердің дербес деректермен жұмыс істеу тәсіліне шағымданды. Жасанды интеллект және цифрлық даму министрлігі Ақпараттық қауіпсіздік комитетінің жоспардан тыс тексерістері бірнеше заңбұзушылықты анықтады, деп хабарлайды TengriHealth.
Түркістан облысындағы бірнеше жекеменшік клиниканың пациенттері медициналық мекемелердің дербес деректермен жұмыс істеу тәсіліне шағымданды. Жасанды интеллект және цифрлық даму министрлігі Ақпараттық қауіпсіздік комитетінің жоспардан тыс тексерістері бірнеше заңбұзушылықты анықтады, деп хабарлайды TengriHealth.
Не болды?2026 жылғы 18-22 мамыр аралығында ведомство Түркістан облысының кейбір жекеменшік медициналық ұйымдарында жоспардан тыс тексерістер жүргізді. Қазақстандықтардың шағымдары бұған негіз болды. Өңір тұрғындары өздерінің дербес мәліметтерінің қауіпсіздігіне күмән келтірген. Белгілі болғандай, кейбір клиникаларда шынымен де бұзушылықтар табылды.
Ведомствоның хабарлауынша, мамандар дербес деректерді жинау және өңдеу ережелері бекітілмегенін, сондай-ақ пациенттердің жеке ақпаратын жинаудың нақты мақсаттары айқындалмағанын анықтады.
Комитет өкілдері мекемелерде дербес деректермен жұмыс істеуге жауапты қызметкерлердің болмағанын айтты.
Клиникалар қандай жазаға тартылды?"Бұл талаптарды сақтау - азаматтардың конституциялық құқықтарын қорғаудың маңызды шарты. Медициналық ұйымдар процестердің ашықтығын қамтамасыз етуге міндетті: жиналатын деректердің құрамын, оларды пайдалану мақсаттарын, сондай-ақ ақпаратты өңдеудің қауіпсіздігі мен заңдылығына жауапты тұлғаларды нақты анықтауы тиіс", - делінген хабарламада.
Ережелерге немқұрайлы қарағаны үшін клиникалар айыппұл төлеуге мәжбүр болды. Тексерістерден кейін медициналық ұйымдарға бұзушылықтарды жою туралы нұсқамалар берілді. Айыппұлдардың жалпы сомасы 4 541 250 теңгені құрады.
Ақпараттық қауіпсіздік комитеті медициналық ұйымдардың берілген нұсқамаларды орындауын бақылайтынын атап өтті.
Бұған дейін біз Қаржы министрлігі медициналық қызметтер мен дәрі-дәрмектерге ақы төлеу кезінде бақылау-касса машиналарының чектерінде пациенттің ЖСН-ін көрсетуді ұсынғаннан кейін қазақстандықтарда бұл деректердің нақты қай жағдайларда көрсетілетіні туралы түсінбеушілік туындағанын жазған болатынбыз. Мемлекеттік кірістер комитеті ақпаратты қорғау қалай қамтамасыз етілетінін және бұл жаңалықтың нақты кімдерге қатысты болатынын түсіндірді.
Google News арқылы жаңалықтарымызды қадағалаңыз
Жазылу