Azh.KZ парақшасынан алынған ақпаратқа сүйене отырып, Qazaq24.com хабарлама жасады..
2025 жылдың қарашасында Атырау әуежайының жұмысы «Атырау–Алматы» рейсінің жолаушысы қол жүгінде бомба бар деп қалжыңдағаннан кейін уақытша тоқтатылған еді.
Облыстық көлік полициясы департаментінің баспасөз қызметі хабарлағандай, тіркеу кезінде ер адам қол жүгінде жарылғыш зат бар екенін айтып, әдейі жалған ақпарат таратқан. Арнайы қызметтер тексеріс жүргізгенімен, бұл дерек расталмады. Оқиға салдарынан ешкім зардап шеккен жоқ.
Осы оқиға бойынша көлік полициясы департаменті ҚР Қылмыстық кодексінің 273-бабы («Террористік акт туралы жалған хабарлама») бойынша қылмыстық іс қозғады. Ер адамға 2026 жылы 5 000 айлық есептік көрсеткішке дейін (21 625 000 теңге) айыппұл салынуы мүмкін. Сонымен қатар дәл осы көлемде түзету жұмыстары немесе 5 жылға дейін бас бостандығын шектеу не айыру жазасы қарастырылған.
Жомарт ӘМІРХАНОВ
Бүгін, 21:40