Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратады..
Алматы облысының тұрғыны әлеуметтік желіде топтық шабуылдан кейін 20 жастағы інісі қаза тапқанын мәлімдеді. Өңірлік полиция департаменті оқиғаға қатысты түсініктеме берді, деп хабарлайды Tengrinews.kz.
Алматы облысының тұрғыны әлеуметтік желіде топтық шабуылдан кейін 20 жастағы інісі қаза тапқанын мәлімдеді. Өңірлік полиция департаменті оқиғаға қатысты түсініктеме берді, деп хабарлайды Tengrinews.kz.
Не болды?Автордың айтуынша, қайғылы оқиға Талғар ауданында болған.
"2026 жылдың 12 сәуірінде Талғар ауданында інімді аяусыз өлтіріп кетті. Оған 10-нан астам адамнан тұратын топ шабуыл жасаған. Бұл кездейсоқ қақтығыс емес - бұл суыққандылықпен жасалған топтық шабуыл. Оны қоршап алып, қорғануға мүмкіндік бермеген. Алған пышақ жарақаттарынан ол оқиға орнында көз жұмды", - деп жазды қазақстандық әйел.
Ол сондай-ақ өзінде оқиға бойынша 30-ға жуық куәгер мен оқиға орнынан түсірілген бейнежазба бар екенін атап өтті.
"Соған қарамастан, тек бір адам ғана қамауда отыр", - дейді ол.
Полицияның жауабыАлматы облыстық полиция департаменті Гүлдала ауылындағы мейрамханалардың бірінде болған кісі өлтіру және бұзақылық фактілері бойынша екі қылмыстық іс қозғалғанын хабарлады.
"Жедел-іздестіру шаралары барысында 20 жастағы күдікті ұсталып, қамауға алынды", - деп хабарлады полиция.
Сонымен қатар бұзақылық дерегі бойынша тағы үш күдікті ұсталып, уақытша ұстау изоляторына қамалды.
"Екі адамға қатысты сот үйқамаққа алу түріндегі бұлтартпау шарасын тағайындады. Кәмелетке толмаған балаға қатысты қылмыстық қудалау органы қоғамнан оқшаулаумен байланысты емес бұлтартпау шарасын қолданды", - деп нақтылады ведомство.
Полицияның мәліметінше, оқиғаның барлық куәгерлері анықталды. Олардан қылмыстық іс аясында жауап алынды.
"Қазіргі уақытта оқиғаның барлық мән-жайын толық, жан-жақты және объективті зерттеуді қамтамасыз етуге бағытталған барлық қажетті тергеу амалдары жүргізіліп жатыр. Барлық тараптың уәждері мұқият тексеріліп жатыр", - деді ПД өкілдері.
Тергеу барысы облыстық полиция департаменті басшылығының ерекше бақылауына алынды.