Qazaq24.com, Tengrinews.KZ дереккөзінен алынған ақпаратқа сүйене отырып мәлімет бөліседі..
Қостанайда алғашқы қар жауды. Таңертең қалада қар аралас жаңбыр жауған, деп хабарлайды Tengrinews.kz тілшісі.
Қостанай облысындағы жылы ауа райы бірден суытты. Өңірде таң атқаннан бері қар жауып тұр. Жолдарда қар тез еріп жатқанымен, көгалдар мен шөптің үстінде жұқа қар жамылғысы пайда болды.
Instagram-дағы бұл жарияланымды көру
Қостанай тұрғындары әлеуметтік желілерде алғашқы қардың кадрларын жариялап жатыр. Сонымен қатар, жылы күндерден кейін ауа температурасы айтарлықтай төмендеген.
Қала тұрғындары үшін алғашқы қар қыстың жақындап қалғанын еске салған тосын сый болды.
Фото Tengrinews.kz
Ал облыста дауылды ескерту жарияланды.
"5 қазанда Қостанай облысында жаңбыр мен қар түрінде жауын-шашын күтіледі, кей жерлерде жаяу боран соғып, көктайғақ болады. Облыстың батысында, солтүстігінде, шығысында қатты жауын-шашын болады. Түнде және таңертең облыстың батысында, солтүстігінде тұман түседі", - деп хабарлады "Қазгидромет".
Қазір Қостанайда ауа температурасы - екі градус жылы, бірақ минус сегіз градустай сезіледі. Болжам бойынша, қалада кешке дейін жаңбыр жауып, кей жерлерде қарға ұласады.
Айта кетейік, күні кеше Ақтөбе облысының кейбір аудандарында алғашқы қар жауды. Өңір тұрғындары әлеуметтік желілерде видеоларды бөлісті. Қар Хромтауда және Ақтөбеге жақын орналасқан Ақжар тұрғын үй алабында жауған.
Қар, боран, содан кейін күн жылиды: Қазақстан бойынша 6-8 қазанға арналған болжам
Синоптиктердің болжамына сәйкес, алдағы күндері Қазақстанда жаңбыр, сулы қар жауып, көктайғақ болады және жаяу боран соғады. Сонымен қатар, кейбір өңірлерде ауа температурасы көтеріліп, күндіз +22 градусқа дейін жетеді. Алдағы үш күнге арналған ауа райы болжамы туралы толығырақ - мына сілтеме арқылы оқи аласыз.
Бізді Google-дың негізгі дереккөздер тізіміне қосыңыз
Қосу