Qazaq24.com, Sputnik.KZ дереккөзінен алынған мәліметтерге сүйене отырып ақпарат жариялайды..
АСТАНА, 29 қаңтар – Sputnik. "Қазақстан темір жолы" ҰК" АҚ-ның сеніп тапсырылған мүлкін Құсмұрын жол дистанциясының лауазымды тұлғасы талан-таражға салған, дейді Бас көлік прокуратурасы.
Қостанай көлік прокуратурасы сотта "Қазақстан темір жолы" ҰК" АҚ-ның сеніп тапсырылған мүлкін Құсмұрын жол дистанциясының лауазымды тұлғасы талан-таражға салғандығын дәлелдеді.
"Материалдық жауапты маман қызметтік жағдайын асыра пайдаланған. Ол жолды жөндеуге арналған және пойыздар қозғалысының қауіпсіздігіне тікелей әсер ететін Р-65 маркалы 40 теміржол жапсырмасын заңсыз сатып жіберген", - дейді көлік прокуратурасында.
Сот процесі жол дистанциясы қызметкерлерінің қатысуымен өткізілді.
"Сот сотталушыны Қылмыстық Кодекстің 189-бабының 2-бөлігі 3) тармағы бойынша кінәлі деп танып, 2 жылға материалдық жауапты лауазымдарды атқару құқығынан айыра отырып, 2 жылға бостандығын шектеу жазасын тағайындады", - дейді ведомствода.
Үкім заңды күшіне енді.