Egemen.KZ парақшасындағы деректерге сәйкес, Qazaq24.com ақпарат таратты..
«2026 жылдың 25 маусымында шамамен сағат 21:00-де кәмелетке толмаған бала суретке түсу үшін Қостанай станциясының Оңтүстік теміржол ауласында жанасу сымының астында орналасқан пойыз вагонына шығып кеткен. Электр тоғының соғуы салдарынан бала ауыр дене жарақаттарын алды. Оның денесінің 60 пайызын үшінші дәрежелі күйік шалды. Сондай-ақ мұрны мен тілі жарақаттанды», деп хабарлады облыстық кәмелетке толмағандар істері жөніндегі мамандандырылған ауданаралық сотының баспасөз қызметі.
Сот мәліметіне сәйкес, баланың қамқоршысы оның тәрбиесі мен қауіпсіздігін қамтамасыз ету жөніндегі міндеттерін тиісті деңгейде орындамаған. Сот отырысында ер адам өз кінәсін толық мойындап, анасы қайтыс болғаннан кейін жиеніне қамқоршы болғанын түсіндірді.
Сот қаулысымен ол ҚР Әкімшілік құқық бұзушылық туралы кодексінің 127-бабының 1-бөлігі бойынша кінәлі деп танылып, оған 43 250 теңге көлемінде айыппұл салынды.
Сот қаулысы әзірге заңды күшіне енген жоқ.
Теміртауда құрылыс алаңында 3 баланы тоқ соқты: Қылмыстық іс қозғалды