Qazaq24.com, Aikyn.KZ дереккөзінен алынған мәліметтерге сүйене отырып жаңалық жариялады..
15 тамызда Қазақстан Премьер-лигасында бірнеше кездесу өтті.
«Қайрат» — «Ұлытау» — 3:1
Алматыда өткен кездесудің 32-минутында Эдмилсон есеп ашты. Екінші тайм басталғаннан кейін Ойва Юккола «Қайраттың» басымдығын арттырса, 74-минутта Азамат Тұяқбаев үшінші голды соқты. Қосымша уақытта «Ұлытау» сапынан Илья Черняк пенальтиді дәл орындап, есепті 3:1-ге жеткізді.
Бұл «Қайраттың» қатарынан жетінші жеңісі. Алматы клубы 48 ұпаймен турнир кестесінде екінші орында келеді және көш басындағы «Ордабасыдан» бір ұпай қалып тұр. «Ұлытау» жетінші орында қалды.
«Жеңіс» — «Жетісу» — 4:1
«Астана Аренада» өткен ойында «Жеңіс» бірінші таймның өзінде екі гол соқты. Андрия Филипович 13 және 27-минуттарда екі пенальтиді де сәтті орындады. 55-минутта Адилио есепті 3:0-ге жеткізсе, 71-минутта Владислав Наумец төртінші голды соқты. «Жетісудың» жалғыз голын 76-минутта Марко Зиванович енгізді.
Осы жеңістен кейін «Жеңістің» еншісінде 26 ұпай бар және команда турнир кестесінде сегізінші орында тұр. «Жетісу» 19 ұпаймен төменгі орындарда келеді.