Azh.KZ парақшасынан алынған деректерге сүйене отырып, Qazaq24.com жаңалық жариялайды..
Құлсары қаласында жеке тұрғын үй салу үшін жер телімін сұраған адамдардың саны 16421-ге жетті.
Бүгінде қалада жер беру тоқтап тұр, өйткені жер учаскелері дайын емес. Қалада жер телімі кезек бойынша "Атырау" ықшам ауданынан беріліп келген.
2024 жылы осы ықшам ауданның біраз бөлігін тасқын су басты. Енді қаланың бас жоспарына сәйкес жер беру алдағы уақытта егжей-текжейлі жоспары бойынша "Болашақ-2" ықшам ауданына қарай ойысқан.
- Болашақта осы ықшам ауданнан 2420 жер учаскесі берілетін болады. Бүгінде инженерлік инфрақұрылым (су, газ, электр) жобалық-сметалық құжаты жасақтау жұмысы жүруде. Оны іске асыру ауданның даму жоспарына сәйкес 2026-2027 жылдарға жоспарланған,-дейді аудан әкімінің орынбасары Аманжол Айдашев.
Ләззат ҚАРАЖАНОВА
Бүгін, 13:08