Qazaq24.com, Inform.KZ дереккөзінен алынған мәліметтерге сүйене отырып ақпарат жариялайды..
Сонымен қатар Қытай пилотталған ғарыш миссияларын жалғастырады. Олардың қатарында «Шэньчжоу-23» ұшырылымы, көп рет қолданылатын зымырандардың ұшу сынақтары және коммерциялық ғарыш секторын дамыту жұмыстары бар. Бұл туралы CNSA жүйелік инженерия департаменті директорының орынбасары Лю Юньфэн Қытайдың ғарыш күніне арналған баспасөз мәслихатында мәлімдеді.
Өткен жылға шолу жасай отырып, Қытайдың ғарышты зерттеуде айтарлықтай ілгерілеу жасағаны атап өтілді. 2025 жылы ел 92 ғарыштық ұшыруды жүзеге асырған, бұл 2024 жылмен салыстырғанда 35%-ға көп.
Лю Юньфэннің айтуынша, «Тяньвэнь-2» зондын сәтті ұшырып, ол 2016HO3 астероидына өтпелі орбитаға шыққан. Бұл Қытайдың астероидтарды зерттеу және үлгі алып қайту бойынша алғашқы миссиясы болып отыр. Ал «Тяньвэнь-1» миссиясы Марсты зерттеуді жалғастырып, 3,5 терабайт ғылыми дерек әлем ғалымдарына ашық қолжетімді болған.
Пилотталған ғарыш саласында Қытай төрт ұшыру мен екі қайтару миссиясын сәтті орындаған. Сондай-ақ елде пилотталған Ай бағдарламасына дайындық жалғасып жатыр.
Қытай сондай-ақ негізгі өнеркәсіп салаларында және қоғамдық тұтыну секторында «Бэйдоу» спутниктік навигация жүйесін кең ауқымда енгізуді жеделдетті. «Цзыюань-3-04» спутнигінің ұшырылуы Жерді стереобақылау саласындағы мүмкіндіктерді арттырған.
Сондай-ақ спутниктік интернет жүйесін дамыту қарқынды жүріп жатыр, ал көп рет қолданылатын зымырандар бағытындағы сынақтар жалғасады.
Осыған дейін Қытай интернет байланыс технологияларын дамытуға арналған сынақ спутнигін орбитаға шығарғанын жаздық.