Qazaq24.com, Tengrinews.KZ дереккөзінен алынған мәліметтерге сүйене отырып түсініктеме береді..
Өңірлік коммуникациялар қызметінің ақпарат алаңында өткен баспасөз конференциясында Қызылорда қаласының әкімі Нұржан Ахатов 2026 жылдың І жартыжылдығында шаһарда атқарылған жұмыстар мен алдағы міндеттер туралы баяндады.
Қызылорда қаласында сауда инфрақұрылымын жаңғырту және туризмді дамыту бағытында ауқымды жобалар жүзеге асырылуда. Бұл жұмыстар тұрғындарға қолайлы орта қалыптастырып қана қоймай, өңірдің инвестициялық және туристік тартымдылығын арттыруға мүмкіндік береді.
Сауда базарларын жаңғырту аясында жалпы көлемі 5,8 миллиард теңге инвестиция тарту жоспарланған.
Бүгінде "Сұлтан" әмбебап базары толық жаңғыртудан өтіп, пайдалануға берілді. Жобаның құны 794 миллион теңгені құрайды.
Қазіргі таңда "Асбол" сауда базарында 2,8 миллиард теңгеге, "Сыбаға" базарында 710 миллион теңгеге, "Талғат" базарында 1,5 миллиард теңгеге құрылыс-монтаж жұмыстары жүргізілуде.
Сонымен қатар, Қызылорда қаласында ауыл шаруашылығы экономиканың басым бағыттарының бірі ретінде тұрақты қолдауға ие. Биылғы жылы егіс алқаптарын тиімді пайдалану және өнім көлемін арттыру бағытында жүйелі жұмыстар жүргізілуде.
Суреттер: Қызылорда әкімдігінің баспасөз қызметі
Жалпы биыл 7 819 гектар жерге ауыл шаруашылығы дақылдары орналастырылды.
Оның ішінде:
жаңа жоңышқа – 690 гектар; қант құмайы – 57 гектар; арпа – 90 гектар; жаздық бидай – 70 гектар; жүгері – 185 гектар; судан шөбі – 100 гектар.Көкөніс пен бақша дақылдары 2 450 гектарға егілсе, негізгі дақыл – күріш 2 681 гектар алқапқа орналастырылды.
Вегетациялық кезеңде су тапшылығын болдырмау мақсатында қажетті шаралар қабылданып, шаруашылықтарға аяқ су жеткілікті көлемде берілуде.
Ауыл шаруашылығы саласын дамытуға бағытталған жұмыстар өңірдің азық-түлік қауіпсіздігін қамтамасыз етіп, ауыл тұрғындарының табысын арттыруға мүмкіндік береді.
Қызылорда қаласының әкімдігі ұсынған материал
Google News арқылы жаңалықтарымызды қадағалаңыз
Жазылу