Sputnik.KZ дереккөзінен алынған мәліметтерге сүйене отырып, Qazaq24.com түсініктеме жасады..
АСТАНА, 29 мамыр – Sputnik. Ресей президенті Владимир Путин Қазақстанға мемлекеттік сапарының нәтижесіне көңілі толатынын атап өтті.
"Біз барлық негізгі сала бойынша ынтымақтастығымыздың басым бағыттарын анықтадық, ең бастысы, серіктестігіміздің жеті негізгі тұсын белгіледік", - деді ол.
Сондай-ақ гуманитарлық байланыстар саласындағы ынтымақтастық жетекші рөл атқаратынын мәлімдеді.
"Екі ел мен біздің елдеріміздің азаматтары арасындағы тығыз, тату көршілік, іс жүзінде туыстық қарым-қатынастарды сақтау өте маңызды, себебі бұл екі ел арасында болашақ үшін, ұзақ мерзімді тарихи перспектива үшін сенім деңгейін қалыптастырады", - деді ол.
Сондай-ақ Владимир Путин Қазақстан президенті Қасым-Жомарт Тоқаевқа орыс тілін қолдағаны үшін алғыс айтты.
Оның пікірінше Ресей мен Қазақстан арасындағы экономикалық байланыстар күшейген сайын, тауар айналымын қолдайтын орыс тілінің рөлі арта түседі.
Путиннің айтуынша ЕАЭО-ға мүше елдердің одаққа деген қызығушылығы артып келеді.
"Серіктестердің қызығушылығы артып келеді. Себебі ашық жұмыс істейтін елдер бұл ынтымақтастықтан нақты оң нәтиже көреді, бұл өзара байланыстың әлеуетін көреді және одан әрі дамуға мүдделі", - деді ол.
Путин одақтың болашағы жоғары технологиялы болғанын қалайтынын, Ресей өзінің жасанды интеллект саласындағы әзірлемелерін серіктестерімен бөлісуге дайын екенін атап өтті.