Arasha.KZ парақшасындағы ақпаратқа сәйкес, Qazaq24.com хабар таратты..
Ресей билігі автомобиль өткізу пункттеріндегі жүк көліктерін тексеру уақытын қысқартуды жоспарлап отыр. Бұл туралы Ресей Үкіметінің басшысы Михаил Мишустинмен өткен жедел кеңесте РФ Вице-премьері Виталий Савельев мәлімдеді, деп хабарлайды Arasha.kz.
Мәлімдемеге сүйенсек, уақытты қысқарту Қазақстан, Қытай, Моңғолия және Әзірбайжанмен шекарадағы негізгі өткізу пункттерін реконструкциялау және модернизациялау арқылы жүзеге асырылмақ. Савельевтің айтуынша, олардың өткізу қабілетін арттыру жоспарлануда. Бұл шаралар халықаралық көлік дәліздерін дамыту бойынша жаңартылған «жол картасына» енгізілген.
Жеделдетілген тексеру бойынша пилоттық жоба қазірдің өзінде Ресей-Әзірбайжан шекарасындағы «Тагиркент-Казмаляр» өткізу пунктінде іске асырылуда. Ресей билігі 2030 жылдың соңына қарай тексеру уақыты 10 минуттан аспайтын автомобиль өткізу пункттерінің санын 55-ке жеткізуге уәде беріп отыр.