Qazaq24.com, Inform.KZ дереккөзінен алынған ақпаратқа сүйене отырып жаңалық таратты..
Мемлекеттік думаның төрағасы Вячеслав Володин үкімет төменгі палатаға мигранттар үшін салықтық баждарды айтарлықтай арттыруды көздейтін заң жобасын енгізуге дайындалып жатқанын хабарлады. Бұл туралы ол әлеуметтік желідегі парақшасында жазды.
Хабарламада Ресей үкіметінен келесі баж мөлшерлерін арттыруды ұсынатын заң жобасын енгізу күтіліп отырғаны айтылған:
Ресей азаматтығын қабылдау үшін — 12 есе, 4200 рубльден 50 000 рубльге дейін; уақытша тұруға рұқсат беру үшін — 8 есе, 1920 рубльден 15 000 рубльге дейін; тұрақты тұруға рұқсат (ықтиярхат) беру үшін — 5 есе, 6000 рубльден 30 000 рубльге дейін.Сондай-ақ мигранттар үшін басқа да бірқатар салықтық бажды едәуір арттыру жоспарланып отыр.
В. Володин заң жобасы Мемлекеттік думаға түскеннен кейін басымдық тәртібімен қаралатынын атап өтті.
Мемлекеттік дума төрағасының пікірінше, бұл шаралардың барлығы көші-қон саласында тәртіпті одан әрі нығайтуға ықпал етуі тиіс.
Бұдан бұрын Ресей Қазақстан жүргізушілеріне 180 күндік режим енгізгенін жазғанбыз.