Azh.KZ парақшасынан алынған деректерге сүйене отырып, Qazaq24.com хабарлама жасады..
Ресейдің «ТАНЕКО» мұнай өңдеу кешені («Татнефть» компаниясы) ұшқышсыз ұшу аппараттарының (БҰА) шабуылынан кейін жұмысын тоқтатты. Бұл оқиға Батыс Қазақстан облысындағы «Конденсат» мұнай өңдеу зауытына тікелей әсер етуі мүмкін, деп хабарлайды Reuters.
Басылымның мәліметінше, дрондар шабуылы мен одан кейін тұтанған өрт салдарынан ресейлік кәсіпорында шикізатты алғашқы өңдеуден өткізетін АВТ-6 және АВТ-7 қондырғыларының екеуінің де жұмысы толықтай тоқтатылған. Зардап шеккен кешеннің жалпы қуаттылығы жылына шамамен 17 миллион тоннаны құрайды.
Бұған Қазақстанның қандай қатысы бар?БҚО-да орналасқан қазақстандық «Конденсат» зауыты осы ресейлік кәсіпорыннан келетін жеткізілімдерге тікелей тәуелді. 2024 жылдың ақпан айынан бастап «ТАНЕКО» Қазақстанға нафта мен газ конденсатын жеткізіп келген болатын.
«Бұған дейін қазақстандық зауыт шикізаттың созылмалы тапшылығы салдарынан жүйелі түрде іркілістермен жұмыс істеп келді. Ресейден жасалған жеткізілімдер жағдайды тұрақтандыруға көмектескен еді», — деп атап өтеді басылым.
Қазіргі уақытта ресейлік зауыттағы төтенше жағдайдың жеткізілімдерді толық тоқтатуға және нәтижесінде БҚО-дағы қазақстандық МӨЗ жұмысының тұралап қалуына әкелетін-әкелмейтіні ресми түрде белгісіз.
Бүгін, 15:49