Сайлау қарсаңында блогерлерге жауапкершілік туралы ескертілді

Бүгін Мәжіліс депутаттары сайлауды жетілдіру мәселелері бойынша кейбір заңнамалық актілерге өзгерістер мен толықтыруларды бірінші оқылымда қарады. Құжатта басқалармен қатар, блогерлердің жауапкершілігі де қарастырылған, деп хабарлайды Tengrinews.kz тілшісі.

Бүгін Мәжіліс депутаттары сайлауды жетілдіру мәселелері бойынша кейбір заңнамалық актілерге өзгерістер мен толықтыруларды бірінші оқылымда қарады. Құжатта басқалармен қатар, блогерлердің жауапкершілігі де қарастырылған, деп хабарлайды Tengrinews.kz тілшісі.

Мәжіліс депутаты Никита Шаталов мынадай мысал келтірді: кандидат немесе партия үгіт-насихат атрибуттарын, мысалы, логотипі бар кепкаларды таратты делік. Осындай заттың бірі аудиториясы үлкен блогердің қолына түсіп, ол үгіт-насихат кезеңінде оны өз жарияланымдарында үнемі көрсетіп, кандидатты немесе партияны ашық қолдайды. Бұл ретте оның кандидатпен немесе партиямен төлем, шарт немесе расталған үйлестіруі жоқ.

"Мұндай жағдайда Орталық сайлау комиссиясы блогердің әрекетін қалай бағалайды? Азаматтың өз бетінше жүргізген үгіт-насихаты ретінде ме, жасырын үгіт-насихат ретінде ме, әлде шығындар мен есептілікте көрсетілуі тиіс науқанның элементі ретінде ме?" - деп сұрады Шаталов.

ОСК хатшысы Шавқат Өтемісов егер блогер кандидатпен немесе партиямен келісімшарттық қарым-қатынасқа түспеген болса, онда оның іс-әрекеті жасырын үгіт-насихат ретінде бағалануы мүмкін екенін айтты..

"Егер мұндай жазбаша келісім болмаса, онда бұл жасырын үгіт-насихат болып саналады. Бұл үшін Әкімшілік құқық бұзушылық туралы кодекстің 118-бабында жауапкершілік қарастырылған", - деді Өтемісов.

Анықтама: ӘҚБтК-нің 118-бабында жеке және заңды тұлғалардың кандидаттарға, саяси партияларға олардың жазбаша келісімінсіз қызмет көрсеткені үшін жауапкершілік қарастырылған.

Ол сондай-ақ басқа кандидаттарға немесе партияларға алаң ұсыну міндеті блогердің бұған дейін біреумен келісімшарт негізінде жұмыс істеген-істемегеніне байланысты екенін түсіндірді.

"Егер блогер бұған дейін қандай да бір кандидатқа немесе партияға келісімшарт негізінде алаң ұсынып келген болса, онда ол бұл алаңды басқаларға да ұсынуға міндетті. Бірақ кандидаттар ақы төлемесе, онда, әрине, оның мұндай міндеті жоқ. Бәрі келісімшарттық қарым-қатынастарға байланысты", - деп толықтырды ОСК хатшысы.

Бұған дейін Қазақстанда сайлау туралы заң өзгеретіні туралы жазған болатынбыз. Түзетулерді дайындау үшін Парламент палаталарының арнайы комиссиясы құрылды. Сондай-ақ сайлау мен референдумдарға қатысу кезінде азаматтардың жекелеген санаттары үшін шектеулер талқыланды.

Бұған дейін жаңа Парламент - Құрылтайға сайлау тамызда өтетіні белгілі болған еді.

ҚАЗІР ТАЛҚЫЛАНЫП ЖАТЫР

Қызылордада тұрғын үй-коммуналдық шаруашылық саласын дамыту тақырыбында форум өтті

Кеше 22:48 2

Google News арқылы жаңалықтарымызды қадағалаңыз