Egemen.KZ парақшасынан алынған деректерге сүйене отырып, Qazaq24.com жаңалық жариялайды..
Фото: Жалпыұлттық социал-демократиялық партия
Үгіт-насихатын ресми түрде бастаған партия өңірлердегі желісін де іске қосты. Іс-шара барысында көпшілікке партияның сайлауалды бағдарламасы мен Құрылтай депутаттығына үміткерлері таныстырылды.
Сондай-ақ ЖСДП Астанада сарапшылардың қатысуымен дөңгелек үстел өткізді. Оған саясаттанушылар, сарапшылар, депутаттыққа кандидаттар, бұқаралық ақпарат құралдарының өкілдері және блогерлер қатысты.
Іс-шара барысында ЖСДП-ның «Прогресс жолындағы 20 белес» атты сайлауалды бағдарламасы таныстырылды. Дөңгелек үстелдің негізгі баяндамасын ЖСДП төрағасы Асхат Рақымжанов жасап, партия бағдарламасының басты бағыттары туралы мәлімдеді.
«Прогресс жолындағы 20 белес» бағдарламасы – жай ғана ұрандар жиынтығы емес, тәуелсіз елімізді дамытуға арналған нақты жоспар. Сондықтан біз Құрылтайдың кәсіби, мықты әрі ықпалды болуына ерекше назар аударамыз. Онда жеке бастың емес, халықтың мүддесі көтерілуге тиіс», деді А.Рақымжанов.
Одан кейін ЖСДП атынан Құрылтайға кандидат ретінде ұсынылған азаматтар сөз сөйледі. Ажар Сағандықова әлеуметтік саясат пен әйелдердің құқықтарына қатысты өзекті мәселелерді көтерсе, Нұрия Балтабайқызы кәсібиліктің кез келген салада маңызды екенін айтты. Ал Максим Андрюшин партияның экономикалық ұсыныстарына тоқталып, Мақсұт Насибулов әлеуметтік-экономикалық мәселелерге, жер саясатына және популизм тақырыбына мән берді.