Inform.KZ парақшасынан алынған деректерге сүйене отырып, Qazaq24.com мәлімдеме жасады..
Талқылау барысында климаттың өзгеруі жағдайында жерасты сулары су қауіпсіздігінің маңызды элементіне айналғаны атап өтілді. Сарапшылардың айтуынша, өндіріс пен табиғи толтыру арасында баланс сақталса, бұл ресурс тұрақты сумен қамтамасыз етуге және ауыл шаруашылығын дамытуға сеп болады.
Форумға қатысушылардың айтуынша, Қазақстанда ауқымды жер асты су қоры бар. Ол егістікті суаруға да жеткілікті. Бұған дейін елде өндірілген дәнді дақыл көлемі қалыпты нәтижеден айтарлықтай жоғары, ауқымы бірнеше мың гектарлық суармалы егіс алқабын жасау тәжірибесі болды. Қазіргі уақытта заманауи технологияларды қолдана отырып сол дәстүрді жаңғырту мүмкіндігі қарастырылуда.
Осы тұрғыда мамандар су ресурстарын жергілікті деңгейде бөлу үшін нақты деректердің жоқтығы қолбайлау екеніне назар аударды. Сол себепті міндетті түрде жер асты суларының картографиясын жасау және бағалау, экологиялық тәуекелдердің алдын алу үшін гидрогеологиялық аудитті дамыту жолдары ұсынылды.
Фото: KAZ MineralsЖиын барысында KAZ Minerals Тобының 3D модельдеу ұжымының жетекшісі Наталья Виттих-Ни форум маңыздылығына өз бағасын берді.
— Форумды катализатор ретінде қарастырамыз: мұнда шешімдер қабылданбайды, бірақ олардың — әріптестік арқылы, инвестициялық келісімдер мен бірлескен жобаларды іске қосу арқылы пайда болуына жол ашылады, — деді ол.
Наталья Виттих-Ни Қазақстанның ұстанымын бағалай келе, елдің жекелеген ресурстар бойынша әлеуеті ауқымды, позициясы тұрақты екенін, бірақ геобарлаудың технологиялық құрамдас бөлігінің күшейтілуі қажеттігін атап өтті.
Фото: KAZ Minerals— Негізгі бағыттар цифрлық трансформация, инвестициялық тартымдылықты арттыру және жаңа кадрлар буынын дамыту болу керек, — дейді Наталья Виттих-Ни.
Форум барысында бірнеше қатысушы мемлекеттік наградалармен марапатталды. Олардың қатарында KAZ Minerals өкілдері: «Еңбек сіңірген геолог» төсбелгісін алған Наталья Виттих-Ни, ҚР Индустрия және инфрақұрылымдық даму министрлігінің Құрмет грамотасына ие болған Мақмұт Келісұлы, Арман Телжанов және Татьяна Чернова бар.
Фото: KAZ MineralsФорум жұмысына тау-кен, металлургия және мұнай-газ салаларындағы ірі компаниялар «ҚазМұнайГаз», Shell, ERG т.б компаниялардың өкілдері қатысуда.