Qazaq24.com, Azh.KZ дереккөзінен алынған мәліметтерге сүйене отырып мәлімдеме жасады..
Атыраулық екі әйелді Астанадан ұшаққа отырғызбаған оқиға қоғамда үлкен резонанс туғызған соң, Freedom Travel сервисі «Ақ Жайық» редакциясына ресми түсініктеме жолдап, жағдайдың реттелгенін хабарлады.
Еске салсақ, әйелдер Астанадағы онкоорталықта аяқтарына жасалған операциядан кейін үйіне қайтып бара жатқан. Олар балдақпен қозғалған, ал әуежайға жедел жәрдеммен жеткізілген. Билеттері төленген, бронь расталған және тіркеуден өткеніне қарамастан, 12 мамырдағы Астана – Атырау рейсіне отырғызылмаған: жүйеден орындар кенеттен «жоғалып кеткен».
Бұл оқиға Threads желісінде тез таралып, қоғамда кең талқылауға себеп болды.
Freedom Travel ресми түсініктемесінде сервис «қажетті деңгейде жұмыс істемегенін» мойындап, ішкі тексеріс жүргізілгенін хабарлады. Компания дерегінше, жолаушыларға рейстің билеттері мен кейінгі ұшақ шығындары өтелген, сондай-ақ моральдық қолайсыздық үшін қосымша өтемақы төленген.
Сонымен қатар сервис әйелдерге Қазақстандағы санаторий немесе қонақүйде демалыс ұсынып, жолақы мен тұру шығындарын өз мойнына алған.
Компанияның айтуынша, өтемақы толық төленген, ал жолаушылар тарапынан енді ешқандай шағым жоқ.
Алайда оқиғаның өзі тек техникалық ақауға байланысты емес, мәселе әлеуметтік желілерде үлкен шу көтерілгеннен кейін ғана шешіле бастағаны үшін де талқылауға себеп болды. Туыстарының айтуынша, Threads-та жарияланарға дейін әйелдер бірнеше сағат бойы әуежайда түсініксіз жағдайда, қажетті көмексіз қалған.
Анастасия ШЕРСТЯНКИНА
Бүгін, 22:53