Qazaq24.com, Tengrinews.KZ дереккөзінен алынған мәліметтерге сүйене отырып ақпарат бөліседі..
Абай облысында Қаржылық мониторинг агенттігінің департаменті дропперлерді іздеу және олардың банк шоттарын ақша аудару мен қолма-қол ақшаға айналдыру үшін пайдаланумен айналысқан бір топ тұлғаның заңсыз әрекетінің жолын кесті, - деп хабарлайды Tengrinews.kz тілшісі агенттіктің баспасөз қызметіне сілтеме жасап.
Семейде жергілікті университеттің алты студенті анықталып, олардан жауап алынды.
"Тергеу деректері бойынша, оларға тиесілі банк карталары ақша қабылдау үшін пайдаланылған. Кейін түскен қаражат бөлшектеліп, басқа шоттарға аударылған. Бұл оның шығу тегін жасыруға, қаржы ағынын бақылауды қиындатуға және кейін ақшаны қолма-қол шешіп алуға мүмкіндік берген", - делінген таратылған хабарламада.
Тек қана бір студенттің шотына 16 миллион теңгеден аса қаражат түскен және ол 25 азаматтан жіберілген.
Анықтама: Дроппер — бұл алаяқтар ұрланған ақшалай қаражатты шығару және қолма-қол ақшаға айналдыру үшін пайдаланатын тұлға. Әдетте, дроппердің атына банк шоттары мен төлем карталары ресімделеді, олар арқылы заңсыз алынған ақша аударылады немесе қолма-қол ақшаға айналдырылады.
Ақша жіберген азаматтар интернет-алаяқтыққа байланысты істер бойынша жәбірленушілер екені анықталды. Олар елдің 11 өңірін қамтиды: Абай, Қарағанды, Ақтөбе, Түркістан, Атырау, Батыс Қазақстан, Павлодар, Ақмола, Жамбыл және Алматы облыстары, сондай-ақ Алматы және Шымкент қалалары. Тергеу жалғасып жатыр.
Бізді Google-дың негізгі дереккөздер тізіміне қосыңыз
Қосу