Inform.KZ парақшасындағы деректерге сәйкес, Qazaq24.com ақпарат таратты..
Депутаттың сөзіне қарағанда, заң бұзу деректері жаппай сипат алып барады және ол үйлердегі ортақ мүлікті заңсыз иеліктен шығару мен иемденуге байланысты болып отыр.
Ол техникалық қабаттар мен жертөлелерді кейін сату мен өз бетінше қайта жабдықтау жағдайлары жиі тіркеліп жатқанын, бұл заңнама мен тұрғындардың құқықтарын өрескел бұзатынын атап өтті. Олардың жобалық құжаттарына қарамастан, жергілікті атқарушы органдардың көмегімен оны тұрғын үй немесе коммерциялық нысан ретінде заңдастыру тәжірибесі ерекше алаңдатып отыр.
- Бұл меншік иелерінің маңызды инженерлік желілерге, сорғы станцияларына және жылу қондырғыларына қол жеткізе алмауына әкеледі. Мұндай әрекет ғимараттарды пайдалану қауіпсіздігіне тікелей қауіп төндіреді, төтенше жағдайдың туындау қаупін бірнеше есе арттырады. Соның нәтижесінде азаматтардың өмірі мен денсаулығына тікелей қауіп төндіреді. Сонымен қатар, заңсыз қайта жобалау тұрғын үй кешендерін жобалау кезінде қарастырылмаған коммуникацияға артық ауыртпалық туғызады, - деді сенатор Бас прокурордың атына жолдаған сауалында.
Бекбол азаматтардың жергілікті органдар мен прокуратураға өтініштері нәтиже бермейтінін, бұл оларды республикалық деңгейге жүгінуге мәжбүр ететінін атап өтті.
- Мұндай келісімшарттарды жарамсыз деп тану және техникалық қабаттарды, жертөлелер мен паркингтерді сот органдары арқылы кондоминиумға қайтару үшін прокурорлық әрекет ету шараларын қабылдау маңызды. Меншік иелері жиналыстарының хаттамаларын бұрмалағаны және ортақ мүлікті заңсыз иемденгені үшін әкімшілік және қылмыстық жауапкершілікті күшейту туралы мәселені қарастыру керек, - деді сенатор.
Бұдан бұрын хабарланғандай, Қазақстанда ПИК пен МИБ-тің ай сайынғы есепті ұсыну мерзімдері өзгертілді.