Qazaq24.com, Egemen.KZ дереккөзінен алынған мәліметтерге сүйене отырып мәлімдеме жасады..
Бокстан екі дүркін әлем чемпионы, Лондон Олимпиадасының чемпионы Серік Сәпиев Конституциялық реформа жобасын қолдап, мемлекеттік құрылымды нығайту жолындағы бастамаларды маңызды деп бағалады. Өзінің әлеуметтік желідегі парақшасында спортшы азаматтардың мүддесін қорғау институттарын күшейтудің, бұқаралық спортты дамыту мен жас таланттарды қолдаудың маңыздылығын атап өтті, деп хабарлайды Egemen.kz.
Фото: Туризм және спорт министрлігі. Телеграм
«Құрметті достар!
Елімізде Конституциялық реформалар жобасы бойынша кең көлемді қоғамдық талқылау жүріп жатыр. Бұл кезең Қазақстанның мемлекеттік құрылымын алдағы онжылдықта қалай дамитынын анықтайтын маңызды әрі жауапты сәт.
Қазақстан азаматы, қоғам қайраткері және адам ретінде мен ұсынылып отырған бастамалардың маңыздылығын терең түсінемін және мемлекеттілікті жүйелі түрде жаңарту мен нығайту бағытын қолдаймын.
Біз түбегейлі өзгерістер жолына 2022 жылы «Әділетті Қазақстан» құру бағыты жарияланғанда түскен едік. Бүгінгі қадамдар – сол бастамалардың қисынды жалғасы, тереңдеуі мен дамуы. Бұл – науқандық шара емес, мемлекеттің тұрақтылығы мен қоғамның сенімін арттыруға бағытталған ойластырылған үдеріс», деп жазды ол.
С. Сәпиевтің айтуынша, реформалардың келесі кезеңі – азаматтардың мүдделерін көрсететін институттардың рөлін күшейту.
«Спортшы ретінде мен шынайы күш – тәртіпте, командалық жұмыста және ережелерді құрметтеуде екенін жақсы білемін. Мықты мемлекеттің негізі де осы қағидаларға сүйенеді. Жеңіс бір күнде келмейді, ол төзімділікті, дайындықты және ауызбіршілікті талап етеді. Мемлекеттік құрылыста да осындай ұстамды тәсіл ұсынылып отыр.
Мемлекет басшысының жауапты әрі жасампаз патриотизмге – құрғақ сөзге емес, күнделікті адал еңбекке басымдық бергені өте маңызды. Мен үшін және барша спортшылар үшін бұл – нақты іс: бұқаралық спортты дамыту, жас таланттарға жол ашу, спорт пен салауатты өмір салтын әрбір бала мен әрбір отбасыға қолжетімді ету», деп жазды Серік Сәпиев.
Спортшының пікірінше, қоғамдық талқылаудың маңызы зор. Реформалар диалогсыз мүмкін емес. Әрбір азаматтың пікірі маңызды және естіліп, назарға алынуы тиіс. Тек осылай біз ел мүддесіне шынайы қызмет ететін шешімдерге келе аламыз.
«Мен ұсынылып отырған бастамалар біздің мемлекеттілігімізді, тәуелсіздігімізді нығайтып, болашақ ұрпаққа жаңа мүмкіндіктер ашады деп сенемін. Бұл – тұрақты даму, сабақтастық пен ұлттық бірліктің жолы. Біз сенімге, еңбекке және өзара құрметке сүйене отырып, мықты, әділ және табысты Қазақстанды құрамыз», деп түйіндеді Серік Сәпиев.
Соңғы жаңалықтар
Димаш Құдайберген 70 аспабын музейге тапсырды
Мәдениет • Бүгін, 12:51
Орфандық ауруы бар науқастар неге дәрісіз қалды?
Медицина • Бүгін, 12:42
Азия ойындары-2029: Алматыда жаңа спорттық нысандар салына ма?
Спорт • Бүгін, 12:33
Астанада полицейлер мұз құрсауында қалып қойған балықшыны құтқарды
Оқиға • Бүгін, 12:26
Әлем кубогі: Қарағандылық спортшылар артистік жүзуден 14 медаль еншіледі
Спорт • Бүгін, 12:15
Абзал Құспан: Конституциялық сот азамат пен мемлекет арасындағы төреші болады
Ата заң • Бүгін, 12:03
«Astana Motors» ұжымы жаңа Конституция жобасын талқылады
Референдум • Бүгін, 11:50
Семейде 30-ға жуық отбасы баспаналы болды
Аймақтар • Бүгін, 11:45
АҚШ Сириядан әскерін толық әкетуді жоспарлап отыр
Саясат • Бүгін, 11:37
ERG металлургтері отандастарымызды референдумға қатысуға шақырды
Ата заң • Бүгін, 11:35
Жылжымалы кітап көрмесіне қандай шығармалар ұсынылды?
Әдебиет • Бүгін, 11:30
76 жасқа дейінгі ел азаматтары тегін скринингтен өте алады
Медицина • Бүгін, 11:23
Референдумға 24 күн қалды: Астанада кері санақ таблолары орнатылды
Референдум • Бүгін, 11:20
Балқаш қаласында көпқабатты үйдің бір бөлігі опырылып түсті
Аймақтар • Бүгін, 11:10
Қонаевтағы желкенді спорт оқу-жаттығу орталығы қала меншігіне өтті
Аймақтар • Бүгін, 11:02