Sputnik.KZ парақшасынан алынған деректерге сүйене отырып, Qazaq24.com жаңалық жариялайды..
АСТАНА, 18 маусым – Sputnik. Туризм және спорт министрлігі Қысқы Олмипиада ойындарының жеңімпазы мен тағы бір жүлдегеріне ақшалай сыйақы аударылғанын хабарлады.
Спортшылармен бірге жаттықтырушыларға да сыйақы қарастырылған. Осылайша, 2 спортшы мен 5 жаттықтырушы сыйақы алып отыр. Ал үкімет резервінен бөлінген қаржының жалпы көлемі 250 миллион теңгеден асады.
"Қазақстан Республикасы Үкіметі 2026 жылы Италияның Милан және Кортина-д’Ампеццо қалаларында өткен XXV қысқы Олимпия ойындарының жеңімпазы Михаил Шайдоров (мәнерлеп сырғанау) пен үздік алтылыққа енген Надежда Морозоваға (конькимен жүгіру) ақшалай сыйақы беру туралы қаулы қабылдады", - делінген ресми хабарламада.
Қолданыстағы заңнамаға сәйкес, Михаил Шайдоровқа 250 000 АҚШ доллары, ал Надежда Морозоваға 5 000 АҚШ доллары мөлшерінде ақшалай сыйақы қарастырылған.
"Ақшалай сыйақы жүлдегер спортшылардың алғашқы, жеке және бас жаттықтырушыларына төленді", - дейді министрлік мамандары.
Сонымен қатар, Олимпиада жүлдегерлеріне жергілікті атқарушы органдар тарапынан қосымша қолдау көрсетіледі. Атап айтқанда, әкімдіктер спортшыларға жергілікті коммуналдық тұрғын үй қорынан тегін пәтер береді.