Шенеуніктер мен кәсіпкерлерді бопсалаған Шымкентте блогер ұсталды

Шымкентте полицейлер жергілікті блогер мен оның үш сыбайласын қолға түсірді. Тергеу мәліметтері бойынша, олар кәсіпкерлер мен мемлекеттік қызметшілерден ақша бопсалаған. Мән-жайды өңірлік полиция департаменті хабарлады, деп жазады Tengrinews.kz.

Шымкент қалалық полиция департаменті Ұйымдасқан қылмысқа қарсы күрес басқармасының қызметкерлері ақша бопсалаумен айналысты деп күдіктелген топтың әрекетіне тосқауыл қойды.

Құқық қорғау органдарының мәліметінше, іске қатысушылардың бірі - Instagram-да 150 мыңға жуық оқырманы бар жергілікті блогер. Ол өзінің үш сыбайласымен бірге кәсіпкерлер мен мемлекеттік қызметшілерді әдейі бейнетаспаға түсіріп отырған.

Тергеу нұсқасы бойынша, түсірілімге қызметтік міндеттерін атқару кезіндегі болжамды тәртіптік теріс қылықтар, сондай-ақ кәсіпкерлік қызметке қатысты ықтимал заң бұзушылықтар себеп болған.

Күдіктілер бұл бейнежазбаларды азаматтарды бопсалау үшін пайдаланған. Тергеу мәліметінше, блогер мен оның сыбайластары әлеуметтік желілерде беделге нұқсан келтіретін материалдарды жарияламау үшін ақша талап еткен.

Күдікті төртеуі де ұсталып, сот санкциясымен қамауға алынды.

ҚАЗІР ТАЛҚЫЛАНЫП ЖАТЫР

ІІМ ауқымды тексерістер қорытындысын жариялады: мыңдаған шенеунік жазаланды

Бүгін 08:57 2

Тағы оқыңыздар: ІІМ ауқымды тексерістер қорытындысын жариялады: мыңдаған шенеунік жазаланды