Sputnik.KZ парақшасындағы деректерге сәйкес, Qazaq24.com ақпарат таратты..
АСТАНА, 28 қазан – Sputnik. Қызылорда облысының Арал ауданында жол ақысын негізсіз көтерген такси жүргізушісі әкімшілік жауапкершілікке тартылды, деп хабарлады Polisia.kz.
Шетел азаматтары әлеуметтік желіде жергілікті такси жүргізушісі жол ақысын көтергені туралы бейнежазба жариялаған.
"Полиция қызметкерлері жүргізушінің жеке басын анықтады. Ол Арал ауданының 50 жастағы тұрғыны болып шықты", - деп жазылған хабарламада.
Құқық қорғау органдарының мәліметінше, ер адам тұтынушылардың құқықтарын қорғау туралы заңнаманы бұзғаны және тиісті тіркеусіз кәсіпкерлік қызметпен айналысқаны үшін әкімшілік жауапкершілікке тартылды. Сот шешімімен оған айыппұл салынды.