Arasha.KZ парақшасындағы ақпаратқа сәйкес, Qazaq24.com хабар таратты..
Қайғылы оқиға 2025 жылдың 31 қазанында Күршім – Қалжыр – Ақсуат тас жолының 37-шақырымында болған, деп хабарлайды Arasha.kz.
Ауданның 37 жастағы тұрғыны жолдың жүру бөлігінде жатқан үйінді топыраққа соғылған. Жол-көлік оқиғасы салдарынан ер адамның 2019 жылы туған ұлы оқиға орнында көз жұмып, 2017 жылы туған қызы түрлі жарақаттар алды.
Кіші жастағы жолаушының өліміне кінәлі деп танылған жол-құрылыс фирмасының 53 жастағы бас инженеріне қатысты қылмыстық істі тергеу үш айға созылды, деп жазды Halyqstan телеграм арнасы.
Күршім аудандық полиция бөлімінің қызметкерлері мынаны анықтады: күдікті жол үстіндегі үйінді топырақтың көлік қозғалысына қауіп төндіретінін білген. Алайда, ҚР «Жол жүрісі туралы» Заңының талаптарына қарамастан, ескертуші жол белгілерінің орнатылуын қамтамасыз етпеген.
Осы жылдың қаңтар айында іс сотқа жолданып, наурызда сот айыптау үкімін шығарды.
Бас инженер «Көліктегі қолданыстағы қағидаларды бұзу» бабының үшінші бөлігі бойынша (абайсызда адам өліміне әкеп соққан іс-әрекет) кінәлі деп танылды.
Оған бір жыл мерзімге бас бостандығынан айыру жазасы тағайындалды. Сондай-ақ, ол жол жүрісі қауіпсіздігін қамтамасыз етумен байланысты лауазымдарды атқару құқығынан айырылды.