Qazaq24.com, Tengrinews.KZ дереккөзінен алынған мәліметтерге сүйене отырып мәлімдеме жасады..
Атыраудан Шымкентке бет алған ұшақ бортында жолаушылардың бірінің денсаулығы кенеттен нашарлап кетті. Кездейсоқ бортта болған медбикенің көмегі мен бортсеріктердің кәсіби іс-қимылының арқасында қайғылы жағдайдың алды алынды, деп хабарлайды Tengri Travel.
Бәрі қалай басталды?
Бұл оқиғаны Instagram парақшасында рейстің жолаушысы Абай Бұхаев бөлісті. Оның айтуынша, сапар басынан-ақ сәтсіз басталған.
"Тіркеу кезінде әдеттегідей болды: әуежайда багаж құны онлайнға қарағанда қымбатырақ екен. Мен бұны білсем де, сол сәтте ашуға бой алдырып, қызметкерге дөрекілік таныттым. Ал ол болса сабырлықпен, кәсіби түрде тариф ережелерін есіме салды. Мен бірден басылып, бәрін төлеп, ұшып кеттім. Қазір түсініп отырмын: менікі дұрыс болмады, ол адам жай ғана өз жұмысын атқарды", - деп жазды ол.
Instagram-дағы бұл жазбаны көру
Дегенмен, сапардағы ең басты әсер қалдырған жағдай ұшақ ішінде болды: жолаушылардың бірі өзін нашар сезініп, жағдайы күрт нашарлады.
Әуекомпания не дейді?"Бортсеріктер бір сәтке де сасқалақтаған жоқ. Дереу оттегі баллонын қосып, алғашқы көмек көрсетті және жолаушыны есін жиғызды", - деп жазды ол.
FlyArystan әуекомпаниясы оқиғаның 21 қазан күні FS7225 Атырау - Шымкент рейсінде болғанын растады. Тасымалдаушының ақпараты бойынша, бортсеріктер жолаушының жағдайын тексеріп, артериялық қан қысымын өлшеген және оттегі берген.
Сондай-ақ экипаж ұшақтағы жолаушылардың арасында медицина қызметкерлері болса, көмекке келуін сұрады. Шақыруға бір медбике үн қатып, науқасты есін жиғызуға көмектесті.
Әуекомпаниясының мәліметінше, 10 минуттан кейін жолаушының жағдайы жақсарған.
"Экипаж оның жағдайын бақылауды жалғастырып, қан қысымын қайта өлшеді. Кейін жолаушы тарапынан ешқандай шағым түскен жоқ. Ұшақ қонған соң әуежайда медициналық көмек шақырылмады", - деп хабарлады әуекомпания.
Тағы оқыңыз: 73 жастағы қазақстандық ұшақта бірден үш жолаушыға көмек көрсетті
Бізді Google-дың негізгі дереккөздер тізіміне қосыңыз
Қосу