Qazaq24.com, Sputnik.KZ дереккөзінен алынған мәліметтерге сүйене отырып ақпарат жариялайды..
АСТАНА, 29 шілде – Sputnik. "Қазгидромет" алдағы үш күнге жасалған ауа райы болжамын жариялады, деп хабарлайды Sputnik Қазақстан.
30 шілде мен 1 тамыз аралығында еліміздің басым бөлігінде найзағай ойнап, өткінші жаңбыр жауады деп болжанып отыр. Кей жерлерде жел күшейіп, бұршақ жаууы мүмкін.
"Елдің солтүстік-батысында, солтүстігі мен шығысында нөсер жауын болады. Ал Қазақстанның оңтүстігі мен оңтүстік-шығысында Ираннан келетін құрғақ ауа массаларының әсерінен жауын-шашынсыз ауа райы сақталады", – дейді синоптиктер.
Алдағы күндері барлық өңірде ауа температурасы жоғарылайды. Солтүстік-батыс пен солтүстік аймақтарда 1 тамыздағы қатты ыстықтан кейін температура +25…+35 градусқа дейін төмендейді.
Басқа өңірлерде:
орталық және оңтүстік-шығыста — +33…+41 градус;
оңтүстікте — +35…+44 градус болады.