Tengrinews.KZ дереккөзінен алынған мәліметтерге сүйене отырып, Qazaq24.com түсініктеме жасады..
Қонаев әкімдігі коммуналдық жобалар құнына 400 миллион теңгеден аса артық шығын есептеген. Қаражаттың бір бөлігі бюджет есебінен әлдеқашан әзірленіп қойған құжаттарға, ал тағы бір бөлігі ереже бойынша бөлек сатып алынуы тиіс техникалық қадағалауға жұмсалмақ болған. Прокуратураның араласуынан кейін бұл шығындар алынып тасталды, деп хабарлайды Tengrinews.kz.
Премьер-министр әкімге неге ескерту жасады?
28 шілдеде өткен Үкімет отырысында энергетика және коммуналдық секторларды жаңғырту жөніндегі ұлттық жобаның жүзеге асырылуы талқыланды.
Премьер-министр Олжас Бектенов Алматы облысының жобаға қатысуға өтінім беру қарқыны баяу екеніне назар аударды.
Облыс әкімі Марат Сұлтанғазиев прокуратура сумен жабдықтау және су бұру жобалары бойынша құны екі миллиард теңгеге жуық конкурс қорытындысын жойғанын айтты. Оның сөзінше, конкурсты қайта жариялауға тура келген.
Анықтама: Әкімдік мәліметінше, қайталанған конкурс қорытындысы 25 тамызға дейін белгілі болады, ал жұмыстарды жыл соңына дейін аяқтау жоспарланған.
Сонымен қатар Сұлтанғазиев Қаржы министрлігі бұл екі жобаны қаржыландырылуы тоқтатылатын басымдығы төмен жобалар тізіміне енгізгенін айтып, премьер-министрден оларды бұл тізімнен шығаруды сұрады.
Бектенов мұндай жауапқа қанағаттанған жоқ.
ҚАЗІР ТАЛҚЫЛАНЫП ЖАТЫР
Испанияда танымал зиян әдетке тыйым салынуы мүмкін
Кеше 18:07 1
"Сізді тыңдасақ, сізден басқаның бәрі кінәлі. Жұмысты тездетіңіздер", - деді Бектенов.
Отырыстан кейін редакция қадағалау органы неге конкурсқа араласқанын анықтау үшін Алматы облысының прокуратурасына жүгінді.
Прокуратура нені анықтады?Тексеріс Қонаевтағы сумен жабдықтау және су бұру жүйелерін жаңарту бойынша төрт жобаға қатысты болды.
Прокуратура әкімдік жоба құнына екі қосымша шығын түрін қосқанын анықтады.
Біріншісі - жобалық-сметалық құжаттаманы әзірлеу. Алайда бұл құжаттар дайын болған және бұған дейін бюджеттен төленген.
Екіншісі - құрылысты техникалық қадағалау. Бұл қызмет те жобалардың жалпы құнына енгізілген, бірақ "дайын күйінде тапсыру" бойынша сатып алу кезінде оны мердігермен байланысы жоқ жеке маман немесе бөлек компания жүзеге асыруы тиіс.
"Жобалар бұған дейін бюджет қаражаты есебінен әзірленген, қосымша сатып алудың қажеттілігі болмаған. Сонымен қатар, "дайын күйінде тапсыру" әдісімен сатып алу кезінде техникалық қадағалау мердігерлік қызметтерден бөлек жалданады", - деп хабарлады прокуратура.
Анықтама: "Дайын күйінде тапсыру" принципі бойынша (яғни, бір мердігер жобалаудан бастап нысанды тапсырғанға дейінгі бүкіл жұмыс кешеніне жауап береді) техникалық қадағалау оның міндетіне кірмейді және онымен бір келісімшартқа енгізілмейді.
Тексерістен кейін не өзгерді?14 маусымда прокуратура Қонаев әкіміне ұсыныс енгізіп, заңбұзушылықтарды жоюды талап етті.
Осыдан кейін әкімдік жобалар құнын қайта есептеп, одан құжаттарды қайта әзірлеу және техникалық қадағалау шығындарын алып тастады.
Нәтижесінде жобалар 400 миллион теңгеден астам сомаға арзандады. Бұл қаражат бюджетте қалды.
Алматы облысы неге "қызыл аймаққа" түсті?"Аталған шығындар алынып тасталды. Нәтижесінде 400 миллион теңгеден астам сомада бюджет үнемдеуі қамтамасыз етілді. Заңбұзушылықтарға жол берген кінәлі адамдар тәртіптік жауапкершілікке тартылды", - деп атап өтті ведомство.
Сол отырыста Ұлттық экономика министрлігі әкімдіктердің ұлттық жоба бойынша атқарған жұмыстары туралы мәліметтерді ұсынды.
Алматы облысы, Шымкент және Ұлытау облысы 2026 жылға берілген өтінімдер саны бойынша "қызыл аймаққа" түсті. Бұл аталған өңірлердің коммуналдық инфрақұрылымды жаңғыртуға арналған жобаларды дайындау жағынан басқалардан артта қалғанын білдіреді.
ҰЭМ презентациясынан скриншот
Бұған дейін Олжас Бектенов Энергетика министрлігі мен "Самұрық-Қазына" басшылығына ірі энергетикалық нысандарды уақтылы іске қосу бойынша тікелей жауапкершілік жүктелетінін ескерткен болатын.
Тағы оқыңыз: “Сізді тыңдасақ, сізден басқаның бәрі кінәлі“. Бектенов әкімге ескерту жасады
Google News арқылы жаңалықтарымызды қадағалаңыз
Жазылу