Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратады..
"СҚ-Фармация" 2024–2025 жылдардағы екі аудит қорытындысы бойынша анықталған 741 миллион теңге көлеміндегі қаржылық заңбұзушылықтар туралы деректерді растамады. Бұл ақпарат Орталық коммуникациялар қызметінде өткен брифингте айтылды, - деп хабарлайды TengriHealth.
"СҚ-Фармация" 2024–2025 жылдардағы екі аудит қорытындысы бойынша анықталған 741 миллион теңге көлеміндегі қаржылық заңбұзушылықтар туралы деректерді растамады. Бұл ақпарат Орталық коммуникациялар қызметінде өткен брифингте айтылды, - деп хабарлайды TengriHealth.
Мән-жайы"СҚ-Фармация" ЖШС бірнеше рет бақылаушы органдар тарапынан тексеру нысанына айналған болатын.
2026 жылы қаңтардың басында Жоғары аудиторлық палата 2024–2025 жылдардағы екі аудиттің қорытындысын жариялады, ол дәрі-дәрмекпен қамтамасыз ету жүйесінде 741 миллион теңгенің қаржылық заңбұзушылықтарын көрсетті. Мәселелер ғылым мен өндірістен бастап, дәрі-дәрмекті сатып алу және оны пациенттерге беруге дейінгі барлық кезеңде тіркеліп жатқаны хабарланды.
Аудит мәліметтері бойынша, 2025 жылы "СҚ-Фармация" кем дегенде дәрі-дәрмектің 371 түрін сатып алмаған немесе кешіктіріп сатып алған. Дәрілердің 13 түрі бойынша сатып алу бағасы нарықтық бағадан айтарлықтай жоғары болып шықты. Осыған байланысты, аудит деректеріне сүйенсек, дистрибьютор шамамен 35,8 миллиард теңге көлемінде экономикалық шығынға ұшыраған.
"СҚ-Фармация" ұстанымы"СҚ-Фармация" ЖШС басқарма төрағасы Нұрлыбек Асылбеков 741 миллион теңге көлеміндегі заңбұзушылықтар туралы мәліметтер расталмайтынын мәлімдеді.
"Әрине, бұл қазір талқыланып жатқан және біз шешуіміз қажет негізгі мәселелердің бірі. Біз тиісті ұйымдар және бақылаушы органдармен жұмыс істеп жатырмыз, егер мұндай жағдайлар анықталса, олар әрі қарай жолданады", - деді ол.
Оның айтуынша, компания заңбұзушылықтарды болдырмау үшін цифрлық құралдарды енгізіп жатыр.
"Сатып алу жүйесіне логикалық бақылаудың 40 форматы енгізілді. Бұл осындай заңбұзушылықтарды болдырмау үшін қажет", - деді ол.
Сондай-ақ, оның сөзінше, логистика мен қойма жүйесін цифрландыру жұмыстары жалғасып жатыр.
Денсаулық сақтау министрлігі ұстанымыДенсаулық сақтау вице-министрі Тимур Мұратов Жоғары аудиторлық палатаның тексеруінен кейін заңнамаға өзгерістер мен толықтырулар енгізілгенін хабарлады.
"Біз бағаны қалыптастыру механизмін толығымен қайта қарадық", - деді ол.
Оның айтуынша, бағаларды халықаралық референттеу жүйесі енгізілді, бұл сатып алу бағасын орта есеппен 26 пайызға, ал жекелеген препараттар бойынша 60 пайызға дейін төмендетуге мүмкіндік берді.
"Бұл жемқорлық тәуекелдерін айтарлықтай азайтуға мүмкіндік береді деп санаймыз", - дейді вице-министр.
Еске салсақ, жазда Жоғары аудиторлық палата (ЖАП) Қазақстанның Денсаулық сақтау министрлігін тексеру қорытындысы туралы есеп жариялаған болатын. Баяндамада дәрі-дәрмектерді, медициналық бұйымдарды сатып алуға, сондай-ақ мемлекет қаражатын пайдалану тиімділігіне қатысты 77 түрлі заңбұзушылық айтылды. TengriHealth тілшісі заңбұзушылықтардың нақты сомасын білу және ауқымды даудың Денсаулық сақтау министрлігінің жұмысында қандай өзгерістерге әкелгенін түсіну үшін аудиторлардың мәліметтерін мұқият зерделеп шықты.
Google News арқылы жаңалықтарымызды қадағалаңыз
Жазылу