Qazaq24.com, Arasha.KZ дереккөзінен алынған ақпаратқа сүйене отырып жаңалық таратады..
Словакиядағы Пезинок – Братислава учаскесінде екі пойыз соқтығысты. Оқиға салдарынан шамамен 20 адам түрлі жарақат алған. Оқиға орнына барлық жедел қызметтер жіберілді, деп хабарлайды Arasha.kz.
Синьхуа агенттігінің Словакия ақпарат көздеріне сілтеме жасап хабарлауынша, 9 қараша кешінде ел астанасы мен Пезинок қаласының арасында екі пойыз соқтығысқан. Апат нәтижесінде кемінде 18 адам зардап шеккен, олар төрт ауруханаға жеткізілген.
Теміржол қызметінің деректері бойынша, пойыздардың соқтығысы бетпе-бет болмаған, себебі екі құрам да бір бағытта қозғалған. Оқиғаның себептері анықталып жатыр. Теміржол өкілдері соқтығыс болған учаскенің уақытша жабылуы мүмкін екенін де жоққа шығармайды.
«Мен барлық жолаушылардың жағдайы жақсы болады деп сенемін», — деп мәлімдеді Словакияның ішкі істер министрі Матуш Шутай-Эшток.